الثلاثاء، 12 أغسطس، 2008

الافتتاحية

السلام عليكم و رحمة الله و بركاته

من فتره كبيره - يجي اكتر من سنتين او تلاته - و انا حاجز اسم skeleton-eel على بلوج سبوت , قلت عشان ملاقيش في يوم من الايام واحد اسمه skeleton eel تاني على النت - هو ده اللي ناقص :D - , و قولت اكيد في يوم من الايام هفكر افتح المدونة :)

و على رأي محمد معاشر اخصائي الـ PHP في منتدى الفريق العربي للبرمجة ,, فلنجرب التدوين :) ,, بالرغم من انها جت متأخر اوي :)

في الحقيقة مش عارف هكتب ايه بالظبط في المدونة ,, بس غالبا هتكون حاجات اجتماعية او حاجات بفكر فيها و حاجات بقابلها بالاضافة لبعض الحاجات في الكمبيوتر , يعني المدونة هتكون تجميع لمواضيعي و شروحاتي - اللى بنزلها اصلا في كذا منتدى - و بعض المواضيع الاجتماعية , بحث هتكون حلقة الوصل بين المنتديات الاجتماعية و المنتديات التقنية - لان طبعا مينفعش انزل موضوع اجتماعي في منتدى تقني - :)

بس بصفتي شخص قليل الكلام نوعاً في العالم الحقيقي هحاول اتكلم هنا بشكل اكبر ,, بس المشكلة اني زهقت من الكلام !
كل الناس بتتكلم ,, كل من هب و دب بيتكلم ,, الكل بيقدر يتكلم بس مش شايف ناس كتير بتعمل افعال زي ما بتتكلم !
حتى الحكومة سايبانا نتكلم زي ما عاوزين بس تيجي تنفذ مش هتعرف

مهاترات و جدال عقيم مش بنطلع منه غير بوجع الدماغ ,, و في الاخر مش بنشوف اي افعال !
ديما بنتشدق بالكلام و التعبيرات و اللي يقولك كلام الناس لا بيبجيب ولا يودي و في الاخر اوي حاجة بيخاف منها كلام الناس !
اللي يقولك نشجب و نعترض و ندين و كله كلام !

كله بنقد و ينتقد بس قليل اللي بيعمل حاجة عشان يغير الوضع

على العموم احب ابدأ المدونة بكام بيت الشعر دول ,, معبريين بجد :)


####################


ضحـكت فقالوا ألا تحتشم .:..:. بكيت فقالوا ألا تـبتســـــم

بـسمـت فقالوا يرائي بهــا .:..:. عبست فقالوا بدا ما كـتــم

صمت فقالوا كليل اللسان .:..:. نطقت فقالوا كثير الكــــلم

حلمت فقالوا صنيع الجبان .:..:. ولو كان مقتدرا لانتقــــــم

بسلـت فقـالوا لطيش بـــــه .:..:. وما كان مجترئا لو حــكم

يـقـولون شـذ ان قلــت لا .:..:. وإمـعـة حـين وافقتهــــــــم

فأيقنت أني مهمـــــــا أرد .:..:. رضا الناس لابد من أن أذم


يعني من الاخر تباً لهم !


و اعرف دايماً انك مش هتعرف ترضي الناس , و اعمل اللي شايف انه كويس و خلاص :)

####################

دي كانت الافتتاحية و ربنا يسهل و يكون في مواضيع تاني تفيد و تنفع الناس

هبدأ دلوقتي اظبط في في المدونة و ربنا يسهل :)

و على الاقل ابقوا زوروني كدا كل سنة مرة :)

هناك 20 تعليقًا:

  1. بالتوفيق يا احمد ان شاء الله تملها بالمواضيع المميزة زي مانت معودنا علي تميزك الدائم.

    ردحذف
  2. ألف ألف مبروك على افتتاح المدونة يا أحمد ..
    بالتوفيق أخي في التدوين

    ردحذف
  3. واحد من الناس13 أغسطس، 2008 11:42 م

    بصراحة يا سيليكتون أنا دخلت المدونة حبا فيك مش أكتر

    وإستمتعت بالإفتتاحية وبالأخص أبيات الشعر اللي أنت كتبتها فوق


    بس في حاجه انا بسمع أن في أي أفتتاحية بيكون في حاجه ساقعة او عزومة فين بقه العزومة

    ردحذف
  4. مبروك أحمد الله يوفقك

    ردحذف
  5. KING SABRI : الله يكرمك يا باشا اتشرفت بزيارتك :)

    مطور الفيروسات : منور يا حج عمرو ,, و ان شاء الله المدونة تعجبك :)

    kaf-laarous : الله يبارك فيك يا ياسر ,, و ان شاء الله تكون فاتحة خير :)

    واحد من الناس : الله يكرمك يا باشا , سعيد جدا بزيارتك للمدونة :)
    صحيح تسمع عن العرض الصامت ؟
    ده افتتاح صامت برده p: ,, الناس بتعزم نفسها بنفسها p:
    في سؤال لولبي كدا ,, هو انت اي واحد من الناس ؟ D: ,, اصل انا اعرف كذا واحد اسمه واحد من الناس :)

    Alpha_HuNtEr : الله يبارك فيك يا عصام ,, منور ,, و عقبالك ان شاء الله D:

    ردحذف
  6. السلام عليكم ورحمة الله وبركاته

    ألف الف مبارك يا وحش
    جميل جدا


    إن شاء الله مدونتك تكون من أقوى المدونات في مجالها
    بس المهم النية والاحتساب عشان تاخد ثواب على كل ده بإذن الله

    في حفظ الله يا إيل

    ردحذف
  7. عالم التدوين اليوم محظوظ لدخولك فيه يا كبير
    :)

    كنا منتظرينك منذ زمن
    بالتوفيق

    ثانيه واحده كده هاعمل حاجه
    خلاص خلاص
    Added to favorites

    ردحذف
  8. HelSiNg : الله يبارك فيك يا باشا :)

    أحمد أمين : و عليكم السلام و رحمة الله و بركاته ,, الله يبارك فيك يا احمد :)
    منورني و الله , و اكيد موضوع النية ده مهم جدا :)
    و ان شاء الله اشوفك كتير هنا بقى D:
    ـ
    7amza : الله يكرمك يا باشا على التشجيع الجميل ده :)
    و تنور المدونة في اي وقت يا باشا :)

    ردحذف
  9. الف مبروك ياسكلتون

    بدأت تدويين بمواضيع مميزه كعادتك .. ربنا يكرمك ويجعله كله بميزان حسناتك إن شاءالله

    ربنا يعفيك ويعافيك ويغفرلك ويرحمك ويرزقك الجنه .... آمين

    مـــــــازن

    ردحذف
  10. waiting : الله يكرمك يا مازن , بجد نورت المدونة :)

    و جزاك الله كل خير على التشجيع و الدعوات الجميلة دي :)

    ردحذف
  11. ألف مبروووك ، معلش أنا جيت متأخر :)
    بس حبيت اسلم عليك

    ردحذف
  12. AmR : يا باشا انت تنور في اي وقت ^_^

    و الله يبارك فيك يا حبي ^_^

    ردحذف
  13. مبروك عليك يا Skeleton Eel المدونة واتمنى ان يوفقك الله فى ملئها بالمواضيع الرائعة لك التى تعودنا عليها
    احمد عصام EraMaX

    ردحذف
  14. EraMaX : الله يبارك فيك يا احمد , نورت المدونة يا باشا ^_^

    ردحذف
  15. دى الزيارة السنوية بتاعتى :D

    ردحذف
  16. تصدق بقالى كتير متابع بس مبردش مش عارف ليه ؟!!:D
    و يلا عايزين نشوف تجمع مستخدمى لينكس القاهرة و نسوف الناس :) (قبل ما أطير على الصعيد :D)

    ردحذف
  17. مركز المسلماني لإبادة النمل
    http://www.m-insecticidal.com/ants/
    أو على صفحة تواصلنا
    https://www.facebook.com/ebada.elmoslimany
    او عبر قناتنا على اليوتيوب
    https://www.youtube.com/watch?v=vTj7HiWpnCw
    https://www.youtube.com/watch?v=si-R1G4yS3A

    ردحذف