الاثنين، 18 أغسطس، 2008

ارسم وشك D:


من شوية كنت بتصفح مدونة الاخ محمد , من المغرب , و شوفت موضوع اسمه "وجهي بالمانگا" - حرف الـ گـ بيتنطق زي الجيم المصرية , غير معطشة - , - و ان شاء الله هبقى اعمل كام موضوع بتكلم عن المنجا او ما يعرف بالـ أنمي -

*
بالمناسبة : شروط استخدام الخدمة مكتوبة بالايطالية ! , انا استخدمت ترجمة جوجل و ترجمتها للعربي و للانجليزي ,, و على حسب ما فهمت كدا انك باستخدامك للخدمة دي هيتم اضافت ايميلك عندهم و هيبعتوا ليك رسائل دعائية و الكلام ده !
فيستحسن تسجل بإيميل قديم او مش بتستعمله - انا عامل ايميل مخصوص للخدمات غير الموثوق فيها ! -
انا مش متأكد تماماً اذا كنت فهمت شروط الاستخدام و الخصوصية صح ولا لأ , بس حبيت انوه عن الموضوع ده محدش يتفاجئ بعد كدا برسائل دعائية رخمة :)

المهم يعني , قولت اجرب اعمل واحد , بس جيت اجربه و انا على اللينوكس و بعد اختيار الشكل و المواصفات و في الخطوة الاخيرة بتاعت ارسال الصورة على الايميل , طلعتلي رسالة بتقول انت بتستخدم نظام لينوكس او يونكس و في خطأ حصل !

قولت خلاص مش مشكلة ابقى ادخل على الجهاز الافتراضي - برنامج VirtualBox - و اشغل الوندوز و اعمله و امري لله

في النهاية عملت الصورة و حفظتها , و عملت عليها شوية تعديلات ببرنامج جيمب , عشان درجات الالوان مش مظبوطة - يعني مثلاً انا لون بشرتي برونزية - قمحي - و مفيش الدرجة اللي انا عاوزها , يعني يا اما غامق شوية - اسمراني - يا اما فاتح عن كدا !

و برده ظبط اطراف الصورة عشان تلائم الخلفية و ادي النتيجة - دي و انا حالق دقني D: - , مش لاقي الشعر المنعكش ,, على طول بنعكش شعري D: - ,, و اختارت اقرب شكل



مع اني حاولت اعمل اقرب حاجة لشكلي الا ان الصورة مش مظبوطة اوي , بس بشكل عام نسبة الشبهه كويسة

************

الموقع اللي بيقدم الخدمة اهه : .Face Your Manga.com

هناك 6 تعليقات:

  1. يعني الموقع لا يعمل على اللينكس؟ ممتاز!
    الصورة مميزة، الان تعرفت عليك :)
    لم تجد الشهر المعنكش؟ هههه و ما معنى المعنكش؟
    أشكرك على نشر الفكرة.

    ردحذف
  2. دخلت بس لقيته بيخرف كدا والحاجات في الفلاش بتدخل في بعضيها , كبرت دماغي وخرجت :D

    ردحذف
  3. محمد : ده تقريبا اول موقع اشوفه كدا - اكتر من سنة استخدام للينوكس و لم ارى حاجة زي كدا ! -

    و على فكرة , الموقع نفسه شغال و عملت الشخصية و كل حاجة , بس اخر خطوة بتاعت ارسال الصورة للايميل مش شغاله كويس :@

    منعكش = غير متناسق , يعني منكوش او مفركش ,, - مش عارف دي اسمها ايه بالمغربي D: -

    Mutati0N : هو في الاول بيحمل شوية كدا , و هيشتغل عادي خالص
    بس هو بيحتاج اخر نسخة من مشغل الفلاش و هيشتغل تمام ^_^

    ردحذف
  4. الصورة شبهك قوي يا سكلينون

    ردحذف
  5. مطور الفيروسات : مش اوي يعني D:

    ردحذف
  6. anta mesh nawy tendaf we ten2el 3la wordpress :D

    http://photos-b.ak.facebook.com/photos-ak-sf2p/v332/160/72/524266792/n524266792_1207297_910.jpg

    sorty

    ردحذف