الأحد، 14 سبتمبر، 2008

افطار جماعي لطلاب جامعة القاهرة .


امبارح كان في افطار جماعي لطلاب جامعة القاهرة برعاية موقع كل الطلبة ، الفطار اتعمل في نادي نقابة الصحفيين اللي على النيل ، و التجمع بدأ الساعة 3 العصر

*************

بجد كان يوم جميل جدا ما شاء الله ^_^ احسن حاجة ان الواحد يعرف الناس في الحقيقة و يتفاعل معاهم ، مش مجرد مستخدمين كل واحد فيهم مستخبي ورا شاشته ، محدش يعرف غير اسمه المستعار على النت ، و في الاخر و عند اي مشادة مع بعض تلاقيهم قفشوا !
لازم يكون في تفاعل على ارض الواقع عشان المجتمع الانترنتي مجتمع مترابط فعلا و يقدروا يساعدوا بعض و يعملوا مشاريع مع بعض - ممكن كل الحاجات دي تتعمل من غير ما واحد يشوف التاني بس برده درجة الترابط مش هتكون زي لما يتفاعلوا مع بعض في الحقيقة -
المهم يعني قعدت مع الناس ، و اتعرفنا ببعض ، ناس من كلي الكليات و من كل السنوات الجامعية ، ناس كنت متخيل شكلهم و شكلهم طلع قريب جدا من تخيلي ، و ناس طلعوا خارج نطاق التخيل خالص D: ،،، و في ناس مكنتش عندي اي تخيل ليهم ، يعني لما اجي اكلمهم على النت بتخيل شكل شخص ملوش ملامح ، مش عارف ده من ايه D: - الموضوع مش موضوع غموض في الشخصية او حاجة زي كدا بس برده مش عارف ايه ده D: -
الحفلة و قبلها بيومين الموقع كان واقع ، بس الحمد لله اشتغل تاني انهارده كان في برنامج لذيذ للحفل ، يعني اسئلة عامة و فيلم كوميدي صناعة طلابية اسمه حلمبوحة هههههههههههه - ان شاء الله ابقى اخد نسخ منه على الجهاز D: - ، و جه المنشد محمد عباس - المركز التالت في مسابقة منشد الشارقة - ، و المنشد مصطفى محمود .
و كان في قطط كمان هههههههههه ، كام قطه كدا انما ايه ، و بيتجولوا في المكان بس بهدووووء و من غير اي شغب ، زي العسل بصراحة D:

بوجه عام اليوم كان جميل جدا ما شاء الله ^_^ ، وان شاء الله المرات الجاية تكون احسن و احسن و نشوف الناس دي تاني ^_^

و بكرة ان شاء الله في فطار شمساوي - طلاب جامعة عين شمس - ، و طبعاً انا رايح برده D:

اصل انا ليه فروع في كل حته ههههههههههههه ، و ليا اصحاب كتير من عين شمس

هناك 4 تعليقات:

  1. ياااه
    كان نفسي اشوفك والله سكيليتون


    بس مكنتش متوقع شكلك كده خااااالص

    بس سعيد جدددا اني شفتك يا راجل

    :)

    ردحذف
  2. احنا قسم الجغرافيا بردوا بينظم افطار في نفس المكان , مقدرتش اروح السنه الي فاتت بس لو لحقت في اخر كام يوم هروح ان شاء الله

    ردحذف
  3. 7amza : كان يوم جميل فعلا ^_^
    بس انت ليك معايا حساب عسير D:
    ادور عليك الاقيك مشيت :( ، طيب كنت تقول عشان اقعد معاك شوية قبل ما تمشي ، بس خير ان شاء الله ، و الجايات كتير ^_^

    Mutati0N : انا كنت عاوز اقولك على فكرة ، بس اتشغلت في كام حاجة كدا :(

    السنة الجاية ان شاء الله ^_^ ، وسيبك من بتوع جغرفيا دول P:

    ردحذف
  4. السلام عليكم

    دي تقريبا اول زيارة ليا للمدونة دي

    ما شاء الله جميلة جدا

    بالنسبة للإفطار الناس عالموقع حكوا عن الإفطار وفعلا بيقولوا كان حلو اوي

    رمضان كريم

    وكل عام وانتم بخير

    ردحذف