الاثنين، 6 أكتوبر، 2008

او يوم في السنة الجديدة :)


السلام عليكم و رحمة الله و بركاته

امبارح كان اول ليا يوم في السنة الدراسية الجديدة ، الدراسة اساساً بدأت يوم 20 من الشهر اللي فات ، بس كنا في اخر 10 ايام في رمضان ، بعديه العيد ، فميش مجال للنزول اصلاً

حضرت محاضرتين و شوفت ايه مواد التيرم الاول و ايه المواد الممتدة - المواد الممتدة دي اللي بتدرس في التيرم الاول و و التيرم التاني -

الحاجة الكويسة اللي حصلت السنة دي انهم عملوا مجموعة اضافية ، في الاصل سنة اولى تلات مجموعات ، و تانية و تالتة مجموعتين و رابعة مجموعة واحدة ، دلوقتي كل سنة زادت مجموعة يعني عدد الطلاب في المجموعة الواحدة بقى اقل

احنا السنة اللي فاتت في سنة تانية كنا محشورين في مدرج صغير اساساً

كليات الحقوق من الكليات ذات الكثافة الطلابية العالية اوي D: ، يعني من الصعب تلاقي مكان تقعد فيه في المحاضرة ، و اغلب الوقت بينتهي بيك الحال على السلالم او على الارض !

ربنا يسهل و تكون سنة دراسية كويسة ، و الناس اللي في الجامعة يبطلوا يلبسوا الالوان الفاقعة اوي دي - بالذات البنات كلهم بقوا اصفر و اخضر و بنفسجي فااااااقع - عيني وجعتني من كتر الالوان الفاقعة دي !

و ان شاء الله هحاول - ده لو لقيت حد يساعد معايا ! - اننا نعمل ندوات و نقاشات تعريفية بالمصادر الحرة/المفتوحة و لينوكس ، على الاقل نعرف الناس ان الكمبيوتر مش وندوز : )

هناك 5 تعليقات:

  1. ان شاء الله تكون السنه الجديده حلوه علينا جميعـاً , ولو في اي تطورات يا أحمد بخصوص الندوه انا معاك

    ردحذف
  2. Mutati0N : ان شاء الله ^_^
    و بالنسبة للندوة بدأت اظبط الموضوع ، ان شاء الله هنبدأ نحضر قريب بعد ما نظبط الامور :)

    و ابقى ادخل على القناة بتاعت مجتمع لينوكس العربي عشان نظبط الموضوع وجها لوجه D:

    ردحذف
  3. صيانة الكتروستار
    http://www.seyanaservice.com/electrostar
    وللتواصل علي فيس بوك
    https://www.facebook.com/Electrostar.misr
    وللتواصل معنا على اليوتيوب :
    https://www.youtube.com/watch?v=tFxzK93K5vs

    ردحذف
  4. صيانة سيمنس
    http://www.seyanaservice.com/siemens
    وللتواصل معنا على صفحة الفيس :
    https://www.facebook.com/siemenseg
    وللتواصل معنا على اليوتيوب :
    https://www.youtube.com/watch?v=kh26-eyujYw

    ردحذف