السبت، 1 نوفمبر، 2008

من هنا و هناك



السلام عليكم و رحمة الله و بركاته

تدوينة على السريع كدا ، و شوية اخبار من هنا و هناك : )

حالياً بدأت في عمل موضوع عن استخدام اوبنتو ، بالرغم من ان في كذا شرح لاوبنتو ، بس مش بالطريقة اللي انا عاوزها ، يمكن اخر حاجة اتعملت بشكل قريب من اللي بفكر فيه كتاب "اوبنتو نظرة عن قرب الاصدار التاني" ، بس برده مش تماماً زي ما انا عاوز .
اللي بفكر فيه تحديداً حاجة عامله زي دليل الاستخدام السريع ، هشرح التسطيب النسخة و كيفية تسطيب البرامج و اهم المشاكل اللي بتواجه المستخدم الجديد .

كنت محضر الافكار الاساسية و مستني الاصدار 8.10 من اوبنتو ينزل عشان الشرح يكون جديد : )
على العموم ربنا يسهل ، انا مدي نفسي اسبوع اكون خلصت الموضوع ، عشان الكمبيوتر هيتشال قريب و ادخل في السبات الشتوي بتاع امتحانات نص السنة D:

و مازلت محتار في اسم الموضوع - او الكتاب الالكتروني - ، مثلا اخليه "دليل الاستعمال السريع في اوبنتو" ، او "الدليل السريع في استخدام اوبنتو" او "توزيعة اوبنتو المثالية || كل ما تحتاج اليه في لينوكس"
لسه مش مستقر على اسم ، و هشوف احد الاصدقاء من مستخدمي الجيمب عشان يصمملي غلاف كويس : )

و ان شاء الله اوافيكم بالاخبار أول بأول : )

-----------------------------------


من فترة كدا اكتشفت ان في ناس كتير متعرفش عن حقوق الملكية ، و ان استخدام البرامج التجارية بدون ترخيص عمل غير قانوني ، و من فترة كنت بحضر لموضوع بيتكلم عن الجزئية دي ، و عملته امبارح ، هشوف ايه رأي الناس و يا ترى هيهتموا بالموضوع ولا لأ

الموضوع عملته في كذا منتدى بس خلينا نركز على المنتديات الطلابية بشكل اساسي ، وعملت الموضوع بعنوان "يا ترى دفعت تمن الوندوز و البرامج اللي بتستخدمها ، ولا ؟"

يا ترى دفعت تمن الوندوز و البرامج اللي بتستخدمها ، ولا ؟ - منتدى طلاب جامعة القاهرة -
يا ترى دفعت تمن الوندوز و البرامج اللي بتستخدمها ، ولا ؟ - منتدى طلاب جامعة عين شمس -
يا ترى دفعت تمن الوندوز و البرامج اللي بتستخدمها ، ولا ؟ - منتدى طلابي عام -

لما نشوف ايه رأي الناس : )

-----------------------

الأسئلة الأكثر شيوعا عن جنو/لينكس
حوالي 33 سؤال من اكتر الاسئلة اللي بتتسال عن لينوكس ، بجد موضوع ممتاز .

أوبنتو 8.10 تنطلق رسميا - مدونة وادي التقنية .
امبارح نزلت التوزيعة ، بس استنوا عليها يومين عشان الضغط شديد جدا على السرفرات .

بيغل : جهاز حر … برامج حرة - مدونة الادوات العربية .
مقال ممتاز و جميل جدا ، اقروه هيعجبكم .


كفاية كدا : )

هناك 4 تعليقات:

  1. جميل منك انك تعرف الناس على حكاية الرخص دى
    واسلوب التشويق بتاعك ده عجبنى
    استمر يا حج وفقك الله
    وحط البديل بقى وريح الناس

    ردحذف
  2. بالتوفيق لك يا غالي، وأثابك الله على الكتاب اللي هتنشره عن اوبنتو، وموضوعك رائع بصراحة وبيناقش نقطة مهمة جداً، وبالتوفيق لك في الامتحانات.

    ردحذف
  3. ممتاز يا أستاذ ، وبما أنني انتقلت إلى لينوكس بتتبع خريطة الكنز التي صنعتها لتنصيب الابنتو، وخرائط أخرى ثمينة كبرنامج المحاكاة وغيرها؛ لذلك أنا ممتنة جداً لك ...
    هل هناك ما أستطيع مساعدتك به ؟!

    ردحذف
  4. معلش على الـتأخير ، عندي عشرتاشر حاجة لازم اخلصهم قبل ما ابدأ المذاكرة بجد : )

    محب سينين : لازم اطلع عين الناس شوية p:
    المشكلة ان مفيش ناس كتير تعرف عن الموضوع ده ! و حتى اللي عارفين بينفضوا !
    بس الحمد لله في كذا واحد عاوز يبدأ يغير بالرغم من انه معندوش خلفية تقنية جامدة ، بس عنده الاهم من كدا ، الدافع في التغيير : )

    N@B!L : جزانا الله و اياكم كل خير يا باشا : )
    و مادة الكتاب تقريبا خلصت مش فاضل غير التنسيق و تظبيط شوية حاجات كدا ، و ربنا يسهل : )

    noura : سعيد جدا بان حضرتك استفادتي من المواضيع اللي عملتها : )
    و في عالم المصادر الحرة ، الجميع يمكنه المشاركة : )
    و الطرق كتير ، الدعاية ، تعريف الناس بوجود الانظمة الحرة ، المساعدة للتحول الى الانظمة الحرة ، الترجمة ، التوثيق ، وحاجات كتير ايكد اي شخص هيكون بارع في حاجة منها : )

    ردحذف