الخميس، 19 فبراير، 2009

امبارح قابلت ....


السلام عليكم

بقالي كام يوم مش بكتب حاجة ، في كذا حاجة عاوز اكتب عنها ، بس واضح اني لسه مش متعود على نظام الفضفضة و كتابة الاحداث : )

-------------

المهم

امبارح قابلت ، كريم المغربي، صاحب المدونة دي (Mutati0N) ، و دي (مَغرَبي) ^_^

قعدنا بتاع ساعتين و نص نتكلم ، عن حاجات كمبيوترية ، عن نظام جنو/لينوكس ، البرمجيات الحرة ، الرخص البرمجية ، لغات البرمجة ، و عموما عن الدعاية للبرمجيات الحرة في الجامعة ، موضوع كدا ناوين نعملوا مع كام واحد تاني : )

انا اساساً مكنتش قادر اتكلم كويس عشان اثار البرد ، بس كانت فرصة ممتازة جدا ، ان الواحد يتكلم مع حد زي كريم ، ما شاء الله عليه يعني : )

بس كلت دماغه من كتر الكلام بصراحة D:

دي اول مقابلة على ارض الواقع - و ان شاءا لله مش هتكون الاخيرة - ، بس اساسا اكتشفت قبل امتحانات نص السنة اننا ساكنين قريب من بعض ، فرق محطة بس : )

و ان شاء الله هيكون في مقابلات تاني و تالت : )

هناك 8 تعليقات:

  1. سعيد يا أحمد ان انا قابلتك علي أرض الواقع , وبأذن الله هنستمر في مشروعنا ونشوف باقي الناس ونجبرهم انهم يجيوا :D

    ردحذف
  2. لو كنتوا قولتوا كنت جيت :D
    و ربنا يسهل فى المرات الجاية :)

    ردحذف
  3. والله يا عبده انا حاطط في دماغي ان انت بتسافر زيي ما انت قايل في المدونه ,
    تتعوض باذن الله ونتقابل كلنا في مره جايه .

    ردحذف
  4. Mutati0N : ربنا يكرمك يا كريم : )


    abom : لا يا عم ، اتنين بتوع روبي ممكن يتفقوا عليا و يرموني في النيل p:


    لا بجد ، ان شاء الله في مقابلة قريب ، شوف ايه نظامك لو تعرف تيجي ، دي حاجة تشرفنا يا باشا : )

    ردحذف
  5. انت بس اعمل حسابك يا أحمد وخد احتياطك كدا وستره بتاعت الغرف دي تحت الهدوم ومتقلقش من حاجه :D

    ردحذف
  6. ههههههه فعلاً لحسن نقلبك object و لا حاجة :D
    بس المشكلة أنى هبقى فى الجيزة بكرة بس
    الأربع يعنى
    علشان هركب القاطار الساعة 11 بالليل متجهاً إلى النجع علشان المعهد بتاعى هناك , هى أصل العيلة بس أنا اتولدت و عشت فى الجيزة :D

    ردحذف
  7. Mutati0N : كل ده مش مشكلة ، المشكلة الوحيدة ان ميه هتبقى ساقعة p:
    ـ

    abom : تتعوض مرة تانية ان شاء الله : )

    ردحذف
  8. صيانة يونيون اير
    http://www.seyanaservice.com/unionaire

    وللتواصل معنا على صفحة الفيس :
    https://www.facebook.com/unionaire.egy
    وللتواصل معنا على اليوتيوب :
    https://www.youtube.com/watch?v=XkrHt_X_9vk

    ردحذف