السبت، 28 مارس 2009

عاوز حاجة اكسرها :@ :@ :@

بجد مضايق جدا :@

عاوز حاجة اكسرها :@:@@@@:@:@

يخرب بيت الغباء :@:@:@





تعديل : هبقى اجي بليل ولا لما اهدا شوية اوضح في ايه بالظبط :@
شعارنا هو : احنا ننتج ليه طالما الصين بتنتج !

-------------------------

تعديل ٢ :
تقريبا اول مرة احس فعلا اني عاوز اكسر حاجة من الغضب ، يعني غالبا بستعمل التعبير ده مجازا ، بس تقريبا الشخص الهادي شوية لما بيضايق بينفجر فعلا !

بس مفيش احسن من عمل موضوع كمبيوتري خفيف لتهدئة الاعصاب

Retriever Download Manager - مدير تحميل ممتاز .





كنت مضايق ليه ؟
لسبب بسيط جدا ، لان بجد العيب مش في الحكومة ،ولا في الامكانيات ، ولا في العادات و تقاليد المجتمع ! ، العيب فينا احنا بس ! و مش في اي حاجة تانية !

حالنا كدا عشان احنا استسلمنا للامر الواقع ، بنقول نعود نفسنا على المشكلة و نتعايش معاها مش بنحاول نحلها ! ، مش بنحاول حتى !



الموضوع بختصار يعني ، الاسبوعين اللي فاتوا دول قولنا ننزل على ارض الواقع و نكلم الناس عن البرمجيات الحرة و نظام اللينوكس ، و عن اننا المفروض ندفع تمن البرامج اللي بنستعملها دي او نشوف بديل مجاني - اللي هو موجود فعلا مش بنقولهم على حاجة مش موجودة - ، يعني المفروض نبطل الكراك و السريال و نشتري او نستعمل البديل !

و اكيد انا مش بنقول سيبوا اللي قدامكم و اللي وراكم و من يوم و ليله سيبوا البرامج و سيبوا الوندوز كمان و ابدأوا في استخدام اللينوكس !! ، بقول حاجة بسيطة اوي "ما لا يدرك كله لا ترك جله" !!

يعني اللي يقدر يغير برنامج و يشوف البديل ليه ، يغير ! ، و اللي ميقدرش - لسبب منطقي و حقيقي مش سبب اي كلام ! - يخليه لحد ما يلاقي بديل او يبدأ يتعلم على البرنامج الجديد لحد ما يعرف يتعامل معاه كويس

و خلوا بالكم اننا كنا بنكلم مستخدمين عاديين جدا ، مش شركات او مؤسسات في بيئة انتاجية !

برده نقول يا جماعة طيب اضعف الايمان حاولوا تبعدوا عن الصيغة المملوكة لشركات معينة و استعملوا صيغ قياسية - مثلا زي صيغة rar ، صيغة مملوكة و مفيش غير الناس بتوع winrar هما اللي يقدروا يعملوا ملف rar ، يعني لازم تشتري المنتج بتاعهم و بالشروط بتاعتهم
مع ان في كذا صيغة حرة الضغط بتاعها ممتاز جدا زي bz2 و 7z ! ، و مع ذلك لا حياة لمن تنادي !

يا جماعة استعملوا اي متصفح تاني غير الزفتبلورر ده ، اي متصفح تاني ماشي تبع المعايير القياسية ، زي فاير فوكس او اوبرا ، او حتى سفاري ، تلاقي اللي يقولك اصل المواقع بتفتح احسن على الاكسبلورر - ده اساسا عيب المواقع اللي ماشية على معايير ميكروسوفت مش المعايير القياسية ، و لو المواقع دي لقت ناس كتير بتستعمل متصفح تاني غير الاكسبلورر هتظبط نفسها على المعايير القياسية ، و ده مصلحة لينا كلنا !!!!

يا جماعة متبصوش تحت رجلكم و بصوا لقدام !! و على فكرة مواقع قليلة جدا اللي مش متوافقة مع الفاير فوكس و غيره ، ممكن ممتعرضش كويس بس هتشتغل عادي !
ده غير المتصفحات التانية دي مليانة مميزات عن الزفتبلورر ده غير موضوع المعايير القياسية ده !!!

و غيره كتير من الحاجات الصغيرة اللي ممكن تفيد فعلا و من غير اي مجهود حقيقي !!


و برده نفس النظام بالنسبة للينوكس ، يعني انت اساسا مش دافع تمن الوندوز ولا تمن البرامج اللي عليه و بتتشرط !!! ، يا احنا بنقول حاجة بسيطة اوي ، ادي لنفسك فرصة التجربة فقط لا غير ، حرر نفسك من الصندوق اللي انت مغطي بيه دماغك !!

طيب بس جرب ، عشان تكون راضيت ضميرك ، و قبل ضميرك حتى يكون ليك عذر قدام ربنا ، و تقول انا بذلت جهدي يا رب و معرفتش !

المشكلة بقى ان البرمجيات الحرة و المفتوحة المصدر دي مش برمجيات رديئة ولا زبالة الاكواد ، لا دي حاجة ممتازة جدا و ساعات بتتفوق على البرمجيات المغلقة ، و برده ممكن في بعض المجالات اقل شوية ، بس ده في سبيل مميزات كتيييير جدا سواء تقنية او اقتصادية و سياسية او حتى اجتماعية و اخلاقية !!!!

و برده في الاول و الاخر بنقول اللي ميقدرش يحول فعلا خلاص مش مشكلة بس خليه متابع لان البرمجيات الحرة و المفتوحة المصدر بتتطور بسرعة جدا ، بس المهم يكون السبب حقيقي مش كسل و تخاذل منك انت !!



اللي يفقعني بقى ان الناس مش عاوزه تبذل مجهود و عاوزين الحاجة على الجاهز ! ، عاوزين يحطوا رجل على رجل و الحاجة تجيلهم لغاية عندهم !!! و ده عمره ما هيحصل !!

لازم قبل كل حاجة نغير نفسنامن جوه الاول و الا هنفضل. كدا في اسفل سافلين !!!

المشكلة ان حججنا مش حقيقة ، كلها بسبب الكسل و التخاذل و اننا بنبص تحت رجلينا و مش بنبص لقدام !! ، و كل الحجج شبه بعض ! و ده ان دل على حاجةفده دليل ان العيب فينا من جوا !!

اللي يقولك اصل احنا كدا كدا مش بندفع حاجة !! حد بقى يقولي ازاي هنبني صناعة على حاجة غير مشروعة !! ، تخيلوا مثلا اننا عاوزين نعمل صناعةعلى تجارة المخدرات !!
او على اقل تقدير ، اننا نبني صناعة على حاجة ثانوية !! ، يعني تخيلوا لو اقتصاد دولة مبني على تغليف المنتجات !! يعني بنحط المنتج في كيس فقط لا غير ، يوم ما نتطور هنصنع الاكياس مش اكتر !

او اللي يقولك اصل التغيير صعب !! ، طيب ما طبيعي اي تغيير عاوز مجهود !! ، بس ايه المميزات اللي هنحصل عليها من التغيير !!
طيب ما الجواز تغيير !! ، و الخلفة تغيير !! ، و التعليم تغيير و عاوز مجهود !!! و غيره و غيره !!

و بنفس المنطق ، ما نموت نفسنا احسن عشان منعملش مجهود !!


و اخيرا فلنرفع شعار "ليه ننتج طالما غيرنا بينتج" ، و "ليه نتعلم نصطاد السمك طالما في غيرنا بيصطاد و يدينا" !!

بس مش مشكلة اذا اتحكم فينا ، و مش مشكلة اذا كان في ايده يجوعنا في اي وقت ، و مشكلة اذا بقينا متخلفين ! و مش مشكل اذا كنا عاملين زي ال،،،،،، بناكل و نشرب و ننام !!!


اللي مزعلني فعلا ان الناس مش عاوزين حتى يعملوا اللي تحت ايدهم او اللي يقدروا عليه !!
و هو ده الفرق بين الرضا و الاستسلام !

و هقولها تاني ، العيب فينا احنا بس مش في اي حاجة تانية !

و بالشكل ده هنفضل طول عمرنا تحت و همافوق !






ممكن الموضوع مش حاجة جديدة بس لما بتكلم الناس على ارض الواقع و ناس شباب مش ناس قديمة ، و تشوف مقدار السلبية اللي احنا فيها حتى في الحاجات اللي نقدر نعملها ، اللحظة دي ممكن تحزن و تحس بالغضب ده كله !




** ياه ، ايه كل اللي كتبته ده ! O_O

هناك 22 تعليقًا:

  1. هدى نفسك بس يا فندم

    خير إن شاء الله

    منتظرين حضرتك تقول فى إيه ؟

    ردحذف
  2. مالك ياعم
    ادعم المنتج والاقتصاد الصيني.. حمله مصريه معروفه

    ردحذف
  3. إني ملكة - زهرة الأمل - عمك ياض

    اولا جزاكم الله كل خير :)

    عادي كانت نوبة غضب استثنائية :)

    عدلت الموضوع اهه ، و خير ان شاء الله :)

    ------------

    عمك ياض
    على فكرة انا شوفت التاج ، ان شاء الله هنزله في اقرب فرصة :)

    ردحذف
  4. بقولك يا سكيلتون
    ملاقيش عندك نسخة الاوتوكاد الجديد متكركره ؟

    ردحذف
  5. عمك ياض : امشي من هنا يا ابني بدل ما اغتالك D:

    ردحذف
  6. على فكره النسخه ب 4 الاف دولار :D
    ومالوش بديل حسب علمي

    مستنين التاج ياجميل

    ردحذف
  7. ممممممم حضرتك مش لازم تفقد الامل

    هو أى نعم لا حياة لمن تنادى بس لو كان من بين كل عشر أشخاص واحد أو اتنين بيستجيبوا أحسن من مفيش وبكره العدد يزيد ...

    إنك تقنع الناس بالتغير دا موش سهل

    محتاج صبر وحصوصاً لما يكون التغيير دا محتاج مجهود وفهم للامور فالناس بتتبع ثقافة الإستسهال طب ما احنا قدامنا أبو بلاش نتعب نفسنا ليه

    ودى طبيعة الشعب المصرى الكسل

    :)

    حضرتك عيش لفكره إنك لازم تقنع الناس وتحقق إنجاز وتغيير حتى لو فرد واحد من كل عشره

    --------

    وبعدين مش كفايه أنا مقتنعه باللينوكس ولما قرأت كتاب حضرتك حبيت أستخدمه أكتر

    وحابه كمان أعرف أكتر عنه :):)

    ردحذف
  8. أنت أول مرة تعرف إن إحنا السبب,
    أصل لو كنا كويسين ما كنش طلع مننا الوحش !
    و على العموم ما تزعلش نفسك, فى الكويس لو كنت جيت الwordcamp egypt 2008 كنت هتحس براحة لما تشوف ناس مهتمة ازاى بالمصادر المفتوحة و لما تشوف العرض بستخدم openoffice على fedora
    ..........إلخ :D
    كان يوم جميل بس طبعاً أنت شكلك مش تبع الwordpress :D

    ردحذف
  9. > عمك ياض :
    طيب انا هسألك سؤال بسيط اوي ، جربت اي برامج كاد تانية غير اوتو كاد ؟ - فكرت تدور حتى ؟ -

    في حوالي تلات او اربع شركات تانية شغالين في المجال ده ، و اكيد مش هيفضلوا شغالين الا اذا كان في ناس بتشتري منهم يعني منتجهم مش تعبان اوي :)

    الحاجة التانية ، بافتراض انك مش هتقدر تستغى عن الاوتو كاد ، زي ما قولت فوق "ما لا يدرك كله لا ترك جله" :)

    شوف اللي تقدر تغييره و غيره :)
    و ان شاء الله التاج هنزله قريب يا حبي ^_^

    -----------------

    > زهرة الأمل :
    مفيش يأس او احباط بالنسبة ليا ، انا قاعدعلى قلبهم لحد ما يغيروا D: - يغيروا فكرهم قبل برامجهم :) -

    و فعلا في استجابة و ان كان العدد صغير :)
    بس اللي مزعلني فعلا اننا من تخاذلنا بقينا مش قادرين نعمل حتى الحاجة اللي نقدر عليها :(

    و اتمنى فعلا حضرتك تبدأي تجربي اللينوكس :) - مش شرط دلوقتي ، ممكن في الاجازة الجاية حتى المهم النية :) -

    ------------------

    > abom :
    الغريب ان الناس بتحاول تلقي اللوم على حاجات غير نفسهم !

    و الله كان نفسي اجي مهرجان الورد برس بس للاسف كان صعب اوي اروح المنصورة :(

    و ورد برس ده حبيبي D:
    و لو عندي موقع مدفوع كنت استخدمته طبعا ، بس الحساب المجاني على موقع ورد برس دوت كوم محدود فعلا :)

    خلينا نشوفك كتير بقى يا عبدو ^_^

    ردحذف
  10. كلام حضرتك مظبوط جدا
    بس لو سمحت لو لقيت حاجه تكسرها ابقى قولى ايه
    عشان اكسر اكبر منهاااااااااا :D

    فى اسئله كتير محيرانى ومش لاقيه ليها اجابه
    بجد والله مش بلاقيلها خالص

    ليه بقينا نعيش على الهامش ومستسلمين لكل حاجه ؟
    ليه العالم كله بيتفاعل مع اى احداث بتحصل واحنا اخر ناس بنتفاعل
    ده اذا اتفاعلنا اساسا ؟
    ليه بقى داخلنا سلبية عقيمه جدا كده ؟
    وايه سبب انتشار السلبيه دى ؟
    ليه فقدنا الامل وبقى عندنا يأس فى التغير ده برضو لو حد اتحرك عشان نتغير ؟

    طبعا مش بعمم بس الاغلبية العظمى من الشعب المصرى كده
    والشباب عامه بحس ان الشباب من اكتر الناس الى المفروض
    يبقى عندهم Brainstorming
    لكن للأسف عندهم بلوظه storming :D

    بسمع كتير اووى زى ما حضرتك قولت الحكومه الحكومه
    وبتجنن هو تغير النفس الاول للأفضل بيد الحكومه ولا بأيدك انت يا بنى آدم
    ولما تغير نفسك هتعرف تغير اهلك بيئتك قريتك مجتمعك

    بس طبعا الى مش عارف كده يقعد يقول الحكومه
    والناس كلها كده .. اشمعنى انا
    بس الناس مش عايزه تقتنع ان العيب فى مشاكلنا ..
    مش فى الحكومق بس .. يعنى مثلا لو جبنا حكومه من المريخ
    عشان تدبر احوال شعب بيعتقد ان كل حاجه لازم ان الحكومه
    توفرهالوا .. الحكومه هتطفش D:

    احنا مش بنخلى المشكله من الحكومه لا الحكومه ليها دور فى المشاكل دى
    بس الدور الاكبر للشعب احنا الاكتر... وفعلا لو كل واحد بدأ بنفسه .. الكل
    هيقلده وهنتغير فعلا للاحسن ... بجد بأمل اننا نتغير مش كلام وخلاص ..

    هحكى موقف سريع ان كنت بتكلم مره مع حد ..عن مصر وطبعا عماله اقول ام الدنيا
    مش هنكر ده طبعا ... واول حضاره فى التاريخ برده مش هنكر ده ...
    بس بينى وبين نفسى بقول فين مصر دلوقتى
    الواحد يشوف بلاد تانيه ولا حضارة ولا اى شىء وشوف وصلوا دلوقتى لأيه ....
    مثلا الهند كان عندهم مجاعات وفقر و.. و .. ودلوقتى الهند من اولى الدول فى صناعه
    البرمجيات وغيره وغيره ... وكانت الاول بتشتهر بالبهارات ...سبحان الله
    بسال نفسى ازاى هما اتقدموا واحنا اتاخرنا ؟؟

    ردحذف
  11. احم احم لو حضرتك طردتنى من المدونه عندك حق ... معلش اندمجت اووى D:

    وربنا يوفقك يا رب وان شاء الله
    الشباب يستجيبوا لتغير نفسهم وبرامجهم :)

    ردحذف
  12. enta brince
    bas law alai 3andak 7aga teshra7 el mono (badil 3amo visual studio)
    plz oli
    w momken ne3mil opean project keda masri damo 5afif

    ردحذف
  13. w 3ala fekra fi 7agat bet2ra rar maganan ☼☼

    ردحذف
  14. أها ناويه فى الاجازه إن شاء الله

    أنا أصلاً حابه أستخدمه عاوزين نرتقى

    بقى :D

    بس المنتدى يرجع علشان ابقى أسال حضرتك كل شويه وأزهقك :D

    ردحذف
  15. زهرة الأمل :
    جميل جدا ، اهم حاجة النية : ) ، في الاجازة بقى ان شاء الله : )

    ردحذف
  16. ((برده نقول يا جماعة طيب اضعف الايمان حاولوا تبعدوا عن الصيغة المملوكة لشركات معينة و استعملوا صيغ قياسية - مثلا زي صيغة rar ، صيغة مملوكة و مفيش غير الناس بتوع winrar هما اللي يقدروا يعملوا ملف rar ، يعني لازم تشتري المنتج بتاعهم و بالشروط بتاعتهم
    مع ان في كذا صيغة حرة الضغط بتاعها ممتاز جدا زي bz2 و 7z ! ، و مع ذلك لا حياة لمن تنادي !))


    أنا فهمت التدوينة كلها ومؤيدة للي جاء فيها إلا الفقرة دي مفهمتهاش

    مال الرار ؟ وايه البتوع التانيين دول .. وايه المطلوب في النقطة دي

    أما اللينكس فبفضل كل الطلبة وحضرتك أنا فهمت الميزات اللى فيه والأسباب الكتير اللى تدعو لأني أنقل عليه .. وأنا فعلا متشوقة فوق ده كله إني أنقل عليه بس مستنية صديقة لي تجيب لي الdvd اللى عليه النظام لأني مش قادرة أنزله بالدايل أب

    ردحذف
  17. > Maha :
    بمناسبة موضوع اللينوكس ده ، صاحبت حضرتك دي بقالها كتير اوي بتقولك هتجيبلك الدي في دي D:

    انا عارف ان الخيارات في الغربة بتبقى محدودة ، فلو عند حضرتك اخ ولد عايش معاكم ممكن اقوله على ناس تديله اسطوانات لينوكس - مستخدمي اللينوكس هيكونوا سعداء جدا لو اي حد عاوز يغير نظامه و يستعمل اللينوكس ، و محدش هيتأخر عليه بالاسطوانات يعني :) -

    http://ar.linux.yourwiki.net/wiki/%D9%85%D9%88%D8%B2%D8%B9%D9%8A_%D8%A7%D9%84%D8%AA%D9%88%D8%B2%D9%8A%D8%B9%D8%A7%D8%AA

    غير كدا ممكن طلب اسطوانة من على النت بسعر رمزي جدا - 2 دولار تقريبا -
    http://www.linuxcd.org/

    غير كدا ، لو حضرتك معندكيش فيزا او حساب بنكي ، توزيعة اوبنتو بتقدم خدمة ظريفة اوي ، ممكن اي حد يطلب اسطوانات و تجيله لغاية البيت مجاناً ! ، ايوه مجانا D:

    و بتوصل النسخة في حدود اسبوعين لشهر ، و دلوقتي فاضل 18 يوم على نسخة اوبنتو الجديدة ، يعني ان شاء الله النسخة هتوصل بعد نزول النسخة بحوالي اسبوع :)

    http://cltb.ojuba.org/ar/articles/ubuntu.html

    الطريقة على اللينك ده اهه :)

    و ان شاء الله خير :)

    ردحذف
  18. بالمناسبة عشان على طول بنسى ، برده صيغ الصوتيات و الفيديو دي ليها بديل و بديل مش اي كلام يعني :)

    Ogg - wikipedia

    Ogg Vorbis

    و دي حملة لدعم الصيغة على مستوى العالم
    PlayOgg

    :)

    ردحذف
  19. بالمناسبة برده عشان منساش D:

    بداية من النسخة 3.1 من الفاير فوكس - او اللي غالبا هتكون 3.5 -، بيدعم صيغة ogg بدون اي اضافات خارجية ^_^
    يعني مش هنحتاج فلاش بلاير ولا اي كودك ، هيشغل الوصلة على طول ^_^


    و غالبا هتعتمد في html 5 ان شاء الله ^_^

    http://img106.imageshack.us/img106/4242/ogginfirefox31.png


    http://img529.imageshack.us/img529/4729/2ogginfirefox31.png

    ردحذف
  20. بالنسبة للتعليق الأول في الرد أنا فاهمة الفكرة بس مكنتش أعرف إن رار مملوكة ؟
    بس تمام كده .. أنا فهمت وححاول أجرب الصيغ الجديدة دي رغم إني مش بستخدم الضغط كتير

    ***

    بالنسبة للينكس على فكرة فعلا أنا بقالي قرون مستنياها :D .. المشكلة لا ظروفها بتتغير ولا ظروفي بتتغير والحال كما هو عليه :D

    وأخويا في مصر يعني حتى لو وصله السي دي مش حعرف آخده منه إلا على الصيف

    فأنا حفتح اللينك الأخراني ده وأشوف طريقة الفري هوم ديليفري دي ^_^ جزاكم الله خيرا

    وخبر رائع عن الفايرفوكس والOgg

    بس ايه بقى ال html 5 .. مر علي المصطلح ده من ييجي أسبوع أو أكتر شوية ومفهمتش !!!

    ردحذف
  21. > Maha :
    جزانا الله و اياكم كل خير ^_^

    بالنسبة لموضوع الـ html 5 ، باختصار هي الجيل الخامس من لغة html

    http://en.wikipedia.org/wiki/HTML_5

    كل فترة بيتم عمل تحديث و تطوير للغة عشان تناسب المتطلبات الحديثة

    و الحاجات اللي بتتضاف دي بتكون قياسية بحيث اي متصفح يقدر يتعامل معاها

    مثلا من الحاجات المقترحة في html 5 اضافة وسوم لتشيغل الفيديو و الصوتيات من المتصفح بشكل مباشر بدون اي اضافات او كودكس ، يعني حاجة زي كدا

    < video >VIDEO_URL< /video >

    و كان مقترح ان الصيغة اللي تشتغل بدون اي اضافات تكون ogg و لكن نظرا لاعتراض الحاجة nokia و الحاج apple عشان صيغة ogg مش بتدعم ال digital rights management
    http://en.wikipedia.org/wiki/Digital_rights_management

    و دي حملة ضد ال drm كانت بداتها من فترة مؤسسة البرمجيات الحرة fsf.org

    http://www.defectivebydesign.org/

    الـ drm دي طريقة للتحكم في الوسائط زي ملفات الصوتيات و الفيديو - حاجة مش حلوة يعني -
    http://www.defectivebydesign.org/what_is_drm

    ---------------------

    المهم يعني
    الاصدار الخامس من html هو الاصدار الجديد و لسه قيد التطوير و ان شاء الله هيكون فيه اضافات ممتازة ،

    و ربنا يبعد الشركات الاحتكارية عن المعايير القياسية : )

    ردحذف