الاثنين، 17 أغسطس 2009

عدنا ، و رحلة سعيدة ^_^


السلام عليكم و رحمة الله و بركاته


الاسبوع اللي فات كان اسبوع جميل جدا ، كنت مسافر مع العائلة للتصييف و الاستجمام D:

على المستوى العائلي ، تقريبا بقالنا اكتر من اربع سنين مروحناش مصيف مع بعض ! ، لاسباب كتيرة سواء عائلية اجتماعية او حتى ميكانيكة ، لانننا مش متعودين على المواصلات في السفر و كان اعتمادنا بشكل كامل على العربية ، و العربية كانت - و ما زالت - بعافية شوية D: ، بصراحة عن نفسي بفضل الجو العائلي عن الرحلات الشبابية ، بس برده من وقت للتاني بيكون شيء كويس ان الواحد يروح مع اصحابه في رحلة - و لكل واحد فيهم مميزاته و عيوبه : ) -

دي فعليا المرة الاولى اللي اروح فيها الاسكندرية ، بغض النظر عن اني روحت السنة اللي فاتت يومين مع واحد صاحبي ، انا شخصياً كنت مخنوق من المذاكرة ، عمال اذاكر بقالي كتير و كتب مش عاوزة تخلص !! ، انا و واحد صاحبي ضربت في دماغنا نروح اسكندرية ننزل البحر ! ، و فعلا تقريبا معملناش اي حاجة غير اننا نزلنا البحر ، و مروحناش في مكان يذكر !

اللطيف في الموضوع بقى ان الاسبوع ده كان متظبط بطريقة ممتازة ، كان بالنسبة ليا مثالي اكتر من اللازم ! - و فعلا الاسبوع مكتملش بشكله المثالي ! -

يعني ، هروح البحر اصييف و استمتع مع العائلة ، و كمان في نفس الوقت كذا واحد من اصحابي كانوا في الاسكندرية ، و قضيت معاهم يوم ، و كمان كلمت ناس اعرفهم من منتدى مجتمع لينوكس العربي ، بيستخدموا نظام جنو/لينوكس ، و قابلتهم و كانت قعدة لذيذة فعلا ، مع اني اتفقت معاهم في مكان ممنوع الوقوف فيه اساسا هههههههههه - ان واحد منهم يعترض على المكان ولا يقول ايه حاجة ، مفيش D: - ، لكن كذا واحد عرف يوصل ، ده بغض النظر عن الناس اللي اعتذرت بعد ما تأكيد حضورهم - الشعب المصري هو الشعب المصري ، في حكاية المواعيد دي ميتواصش هههههه - ، شويه كدا و هروح اشردلهم على المنتدى D: - و كان في رحلة للبحر نظمتها جمعية الروان الخيرية ، و حضرت معاهم من اول اليوم لاخره ^_^ ، و كمان كنت هقابل ناس كانوا جيرانا من زماااااان جدا - اكتر من 20 سنة ، انا فعليا عشت معاهم فترة من طفولتي : ) - ، ولكن للاسف زي ما قولت الوضع كان مثالي اكتر من اللازم ، و يوم ما جيت اعدي عليهم ، لقيتهم مسافرين مطروح لمدة اسبوع ! و معرفتش اشوفهم حتى - بتوع اسكندرية دول بيدلعوا على فكره ! ، يوم ما يصيفوا بيروحوا سيناء ، او مطروح D: -

لكن في المجمل كان اسبوع جميييل جدا ، و استمتعت على الاخر ^_^

--------------

نزلنا - انا و العائلة - في شاطئ النخيل (منطقة العجمي) ، العجمي منطقة غرب الاسكندرية ، عند الكيلو 21 تقريبا ، عشان كدا الاحياء و الشاطئ اهدى بكتير من الاسكندرية نفسها ، و كنا قريبين من البحر بنشوف البحر من البلكونة - اساسا عرض المنطقة مش كبير اوي - ، اول يومين مية البحر كانت ممتازة جدا و صافية ، بس للاسف بعد كدا المية بقت مليانة شوائب كتير - نباتات بحرية - ، و رجعت بقت كويسة على اخر الاسبوع ، و لحسن الحظ اننا مروحناش الكام يوم دول ، انا بس عديت على المية و بعد ما نزلت شوية ، لقيت الموضوع مش نافع خالص .

بس انا مكنتش عاتق البحر يعني ، تقريبا نزلت المية خمس ايام و نص من اصل سبعة D: ، النتيجة طبعا اسمرار شديد ، و جلدي اتقشر على نطاق واسع D: ، بس بجد بقالي كتير محستش بالاحساس ده - بما اني من ذوي البشرات البرونزية موضوع التعرض للشمس و تقشر الجلد ده مش مؤلم اوي -

بس الرخم في الشواطئ اللي فيها ناس بشكل دائم ، ان مفهاش كائنات بحرية كتير ! ، يعني في المكان اللي كنت فيه مكنش في غير سمك صغير بيسموه شراغيش (المفرد شرغوش) ، يعني كان نفسي الاقي اي كائنات تانية ، مثلا كابوريا / سلطعونات ، نجوم بحر ، قناديل ، او حتى اي كائن تاني غير السمك !! ، السنة اللي فاتت روحت رحلة للبحر في راس سدر ، و مسكت كابوريا ، و نجمتين بحر ، و كان في بلح بحر و حلزونات بحرية كمان ، بس رجعتهم تاني للمية : )

المهم بعد بحث سريع على الانترنت ، عرفت بالظبط ايه هى الشراغيش دي ، انا لقيت اسمين بس تقريبا هما الاتنين نفس المعنى الفرق في اللغة او المنطقة او حاجة زي كدا
Diplodus sargus cadenati - Moroccan white seabream

و ده موضوع في منتدى ، واحد عامله - اسمه الرمزي في المنتدى على نفس اسم السمك ده D: - ، و بيتكم على عن انواع السمك في الاسكندرية ، و منهم الشراغيش - الموضوع جميل جدا و فيه معلومات حلوة -
@@ طرق صيد الاسماك في الاسكندرية @@ ، الجزء الخاص بالشراغيش .

و دي صورة للسمكة - بس اللي شوفتهم اصغر من كدا -
الصورة من FishBase.org
اضغط على الصورة للتكبير

------------

- مقابلة لينوكساوية :
في اليوم الرابع ، على المغرب تقريبا ، قابلت بعض الناس اللي كلمتهم ، كانت قعدة ممتعة جدا ، بعد ما اتعرفنا على بعض ، قعدنا على سور الكورنيش و عيشنا ، قعدنا نتكلم في حاجات كتير جدا ، اغلبها عن الكمبيوتر ، جنو/لينوكس ، البرمجيات الحرة و المفتوحة المصدر ، و حاجات تانية كتير ^_^ ، من اللطيف ان الواحد يتعرف على ناس على ارض الواقع ، و خصوصاً الناس المشتركين معاه في نفس الاهتمامات : )

-----------

- يوم مع الايتام :
جمعية الروان الخيرية ، نظمت يوم على شاطئ الاسكندرية للاطفال الايتام ، و طبعا كانوا محتاجين عدد من المتطوعين للاشراف و التنظيم في اليوم ده ، انا كدا كدا كنت ناوي اشارك معاهم و اطلع معاهم من القاهرة ، لكن بما ان اليوم ده كنت في الاسكندرية ف روحت على مقر الجمعية على طول ، و الشكر لمواقع الخرائط زي WikiMapia.org ، اللي عن طريقه عرفت اوصل لمقر الجمعية في الاسكندرية بكل سهولة مع اني عمري ما روحته قبل كدا .

اليوم ده برده كان جميل جدا ، الاطفال لعبت و استمتعت بالبحر ، و انا شاركت في التنظيم و استمتعت ، اتعرفت على ناس جديدة ، و شوفت ناس بقالي كتير مشفتهمش ، يعني استفادة و استمتاع من كل النواحي : )
و الحمد لله مفيش حد تاه ولا حصله حاجة D:

------------

- مقابلة لم تتم :
الشيء المحبط في الاسبوع ، كنت مخطط لمقابلة ناس جيرانا من زمااااان جدا ، بس للاسف ، مكلمتهمش اول ما وصلت الاسكندرية ، و لما اتصلت بيهم ، لقيتهم مسافريين يصيفيوا ، اسبوع في مرسى مطروح - ما البحر جنبهم و خلاص D: - ، في الحقيقة الغلط مني ، المفروض اني كنت اكلمهم اول ما اوصل ، بس مجاش في بالي اي تأخير ممكن يوصل لمدة اسبوع !

شعور غريب انك تقابل حد مشفتهوش من 15 سنة - انا اساسا عمري كله 20 سنه ! ، يعني اتربيت معاهم فترة و اوعى ليهم - ، يا ترى بقوا عاملين ازاي ؟ ، و احوالهم ايه ؟ ايه التغير و ايه اللي فضل ثابت ؟ ، حاجات كتير بتيجي في دماغ الواحد : )

---------------------------------

بعد الاسبوع ما خلص رجعت يوم السبت بلييييل خالص على 12 او 1 ، بس فعلا زي ما بيقولوا
no place like a home

: )


----------

# ملحوظة على جنب : الرسمة اللي في اول الموضوع ، كانت واحده من محاولاتي لرسم شخصية لطيفة و التعديل على ملامحها ، الشخصية هى "سلمى" من بنين و بنات ، على موقع اسلام ويب .



موقع بنين و بنات بيقدم معلومات و ارشادات اسلامية للاطفال بطريقة جميلة جدا و تفاعلية باستخدام الفلاش و المؤثرات الصوتية ، اخواتي الصغييرين بيحبوا الموقع و الشخصيات اللي فيه جدا ^_^

بالنسبة للرسمة ، كنت بحاول اعمل شوية تغييرات في ملامح الشخصية ، بجرب كذا اسلوب عشان كدا الصورة مش متقنة اوي - زاوية الايد المرفوعة مش مظبوطة خالص - و مش شبه الشخصية الاصلية اوي - بس بالنسبة ليا ما زالت لطيفة - ، و دي الصورة الوحيدة المتاحة على الكمبيوتر حاليا : )

هناك 9 تعليقات:

  1. يا عيني عليك , مظبط نفسك انت يا حج بحر وفُسح واحنا قاعدين هنا :D
    حمداً لله علي السلامة يا أحمد وتغيير الجو ده جميل وبينشط الواحد عشان يستأنف العمل .

    ردحذف
  2. فرحتلك عن جد :D

    ردحذف
  3. Mutati0N :
    ربنا يكرمك يا كريم ^_^
    و ان شاء الله ربنا يرزقك برحلة احسن من رحلتي ^_^

    ------

    Mohammed Berdai :
    و انا فرحان انك فرحان ^_^
    ربنا يكرمك ^_^


    و كل سنة و انتوا طيبين ^_^

    ردحذف
  4. شركة نقل أثاث بالرياض...شركة خبراء المملكة
    شركة تركيب باركية بالرياض
    عندما يفكر أحدنا في الانتقال للعيش في منزل جديد، يشعرفجأة وكأنه يحمل أثاثه ومقتنياته فوق ظهره، من فرط التفكير في كيفية نقل الأثاث إلى المكان الجديد والأضرار المحتملة والخوف على المقتنيات النفيسة والقطع الحساسة والأغراض القابلة للكسر، وما تحتاج إليه من تعبئة وتغليف ونقل، لكنها مشكلة أصبحت محلولة بوجود شركات متخصصة في نقل الأثاث سواء إلى منزل جديد أو للتخزين لحين الانتهاء من صيانة المنزل أو السفر وما إلى ذلك
    شركة تركيب اثاث ايكيا بالرياض
    شركة تركيب ستائر بالرياض
    شركة تنظيف مكيفات بالرياض
    شركة تركيب غرف نوم بالرياض

    ردحذف
  5. شركة كشف تسربات بالدمام
    ان تسرب المياه فى الاوانة الاخيرة ظهرت العديد من التطورات فى اساليب الكشف والتعرف على الاماكن المصابة بالتسربات من اهم الاشياء التى ظهرت هو اساليب الكشف عن تسربات المياه من خلال شركة كشف تسربات المياه بمكة ، وكيفية التحقيق من تسربات المياه ، فاليك عدد من الاجهزة التى تعتمد عليهم الشركة فى اعمال الرش والقضاء على التسربات تماما دون ان يترك اى اثر على المكان مع شركة كشف تسربات بمكة ،فالسرعة والدقة والالتزام من الصفات المطلوبة عند التعرض الى التسربات حتى تساعدك فى التخلص من الاخرى التى من الممكن ان تظهر مثل التعرض الى تسليك المجارى والتعرض الى الحشرات والتى نقوم بمكافحتها من خلال شركة مكافحة حشرات بمكة .
    عند القيام بالاستعانة باحد الشركات التى تقوم بعزل الاسطح والخزانات من خلال شركة عزل اسطح بمكة عليك ان تتولى مهام العزل والاصلاح معا لانجاز فى الوقت ونقدم خدمة تنظيف وعزل الخزانات وصيانتها من خلال شركتنا سيرفس تاون شركة تنظيف خزانات بمكة أفضل شركات نظافة الخزانات بمكة المكرمة .

    ردحذف
  6. • أما بالنسبة لطرق تنظيف المنزل فى شركة تنظيف منازل بمكة بصورة مفصلة فهي تنقسم لعدة أجزاء حتى تسهل عملية التنظيف فيتم اختيار مواد ومعدات خاصة بتنظيف المفروشات والسجاد والستائر والارضيات والأسطح الرخامية من خلال شركة سيرفس تاون لجلى البلاط والرخام شركة جلى رخام بمكة أو الزجاجية حتى يتم التنظيف على أكمل وجه، وتعتمد شركة تنظيف بمكة على افضل الطرق طبقاً لأحدث الطرق في ذلك المجال لتوفير أفضل مستوى من النظافة وتقديم أفضل خدمة لربة المنزل أو إدارة الفندق .
    • فنجد على سبيل المثال أن المفروشات بشكل عام يتم تنظيفها بعدة طرق مختلفة إما من خلال ماكينات البخار الخاصة بالمفروشات مقدمة من شركة تنظيف بالبخار بمكة والتي يتم ضبط مؤشر الحرارة الخاص بها على نوع القماش سواء كان ذلك خاص ب (الأنترية-الصالون - الجلسات العربية- المراتب - الكنب وغيرها الكثير .....) فى شركة تنظيف شقق بمكة وبالتالي يتم تمريرها عدة مرات على ذلك النسيج حتى تنظف تماماً من الداخل والخارج وتترك لعدة أيام في الهواء الطلق حتى تجف هذا ماتنصحكم به شركة نظافة بمكة .

    ردحذف