الأحد، 29 نوفمبر، 2009

طريقة عمل البسطرمة في البيت D:


السلام عليكم و رحمة الله و بركاته

العيد اللي فات طقت في دماغي افتكاسة ! بما اننا في عيد الاضحى و اللحوم متوفرة اكتر من اي وقت في السنة ، قولت اجرب اعمل بسطرمة !!



اعتقد ان كل المصريين عارفين يعني ايه بسطرمة ، و اعتقد برده ان دول الشام تعرف كويس البسطرمة ، عموما للي ميعرفش ، البسطرمة هي عبارة عن لحم متبل بيتم تجفيفه بتركه في الهواء ، الملح و الثوم بتعملوا كمواد حافظة ، و هنا على ويكيبيديا توضيح ممتاز عن البسطرمة .

المهم يعني ، في موضوعين منتشرين في كتير من المنتديات العربية ، مجرد عمل بحث عن طريقة عمل البسطرمة" هتلاقي الموضوعين منقولين في منتديات كتير .

الطريقة من ويكيبديا :
طريقة أخرى منزلية و يمكن استخدامها و هى مناسبة و أقل في الوقت و تتم كالتالي أولا تغسل قطعة اللحم جيداً بالماء الجارى فقط ثم يتم يجفف سطح قطعة اللحم بالقماش ويتم عمل شقوق (قطع غير عميق) في اتجاه واحد و يتم حشو تلك الشقوق بالملح ثم يتم لفها بفرخ أو ورق اللحمة الذى يلف به عادة الجزار(ورق جرائد غير مطبوع عليه أو ورق أسمر) و يتم وضع ثقل مناسب فوقها و تترك لمدة 24 ساعة أو يوم كامل، في اليوم التالي تشطف بالماء و تعلق لمدة يوم آخر مع وضع شاشة فوقها و يتم فرم الثوم جيدا و يخلط بالملح و الحلبة المطحونة و الفليفلة الحمراء الحلوة Paprika مع قليل من الماء حتى يتم تكوين عجين متناسق و متماسك غير طرى ولكن ليس صلباً بحيث يتم فرده بسهولة على قطعة اللحم و يغطيها كلها بسماكة متناسقه ثم يتم تعليقها في الهواء و الشمس لمدة 3 أيام إلى أسبوع و يمكن بعد ذلك استهلاكها .

- - - - -

انا جربت الطريقة دي و النتيجة بشكل عام كانت ممتازة ، ده بغض النظر عن اني زودت نسبة الملح و كانت مالحة شوية
طبعا جربت في كمية صغيرة ، حوالي ربع كيلو ، اكيد مش عاوز اجرب حاجة لسه اول مرة اعملها في كمية كبيرة

صورة لما ستبدوا عليه البسطرمة و هي متعلقة


الصورة دي مش بتاعتي انما موجوده على الانترنت في اكتر من موقع .


السنة دي ممكن اجرب اعمل سلامي (salami)



هناك 6 تعليقات:

  1. السلام عليكم ,,

    :D

    تعليق في الهوا .. لأ مفيناش من كدا

    ممكن تصاب بإنفلونزا الخنازير ولا حاجه !

    ---
    مكنتش أعرف إنها بتتعمل كدا ,, بس لما عرفت الحقيقه يعني كرهتها ..

    :D

    ردحذف
  2. السلام عليكم ,,

    :D

    تعليق في الهوا .. لأ مفيناش من كدا

    ممكن تصاب بإنفلونزا الخنازير ولا حاجه !

    ---
    مكنتش أعرف إنها بتتعمل كدا ,, بس لما عرفت الحقيقه يعني كرهتها ..

    :D

    ردحذف
  3. و عليكم السلام و رحمة الله و بركاته

    ولا حاجة بتيجي ناحيتها D:

    و كمان الطبقة الخارجية دي مش بتتاكل و بالتالي اللحم نفسه محفوظ بعيد عن اي حاجات ضارة ^_^

    و مفيش احسن من البيض بالبسطرمة يعني D:

    ردحذف
  4. السلام عليكم ..

    أول مرة أسمع بهذه الطبخة يا أحمد :)

    عندنا ما يشبهه ونسميه بلحجتنا "الخليع" أو"القديد" وهو لحم مجفف لعدة أيام أو أسابيع أو حتى أشهر، ويكون مملحا ..
    طبعا هذه وصفات تقليدية لكنها لحد الآن تلقى رواجا كبيرا عندنا، خاصة وأن "الخليع" يستعمل في تحضير الكثير من الأكلات الشعبية عندنا على غرار "البربوشة، العيش، الشخشوخة ..."
    عالم آخر :)

    ردحذف
  5. > kaf-laarous :
    و عليكم السلام و رحمة الله و بركاته

    القديد كان معروف على عهد الرسول صلى الله و عليه و سلم ( و قبله حتى ) ، هو نفس فكرة البسطرمة و لكنه رقيق جدا ، و اسمه في العربية "اللحم المقدد" .

    و اعرف البربوشة و الشخشوخة : )

    الاكلات الشعبية ليست مجرد طعام بل ثقافة شعوب بحالها : )

    فعلا عالم آخر : )

    ردحذف