الجمعة، 19 فبراير، 2010

أسبوع من العسكرية .

السلام عليكم و رحمة الله و بركاته

كنت قولت في التدوينة اللي فاتت اني عندي ما يعرف بالتربية العسكرية ، و اللي غالبا بتكون مدتها اسبوعين .

ادي اول اسبوع خلص ، بصراحة انا استمتعت جدا بالاسبوع ده بالرغم من صرامة التعامل (طبيعي جدا تكون القوات المسلحة ليها طبيعة صارمة اكتر من اي حاجة تانية) ، في ناس تقعد تقول اسبوعين نقضيهم بالطول او البعرض ، المهم يخلصوا ، و بيطلعوا زي ما دخوا !! التجربة دي فعلا مفيدة جدا ، و اتعلمت فيها حاجات كتير مفيدة .
ده غير الناس اللي بتدفع رشوة او يكون عندهم واسطة عشان يتهربوا منها !!


كنت عاوز اكتب ملخص سريع عن الحاجات اللي اتعلمناها و بعض الحاجات التانية ، بس للاسف مشغول بغباء الفترة دي ، اليوم بيبدأ من الساعة ٦ الصبح ، و برجع البيت على حوالي الساعة ٢.٣٠ ! ، طبعا برجع تعبان جدا ، يا اما اعمل كام حاجة بسرعة ، يا ما ادخل اناااام .

يعني ربنا يسهل على الاسبوع الجاي ان شاء الله ، هكتب شوية حاجات : )

هناك تعليقان (2):

  1. برضه يا أحمد زي ما إنت عارف ان التربية العسكرية تأديب وتهذيب وإصلاح
    D:
    وفيه ناس فعلا شوفتهم بيدفعوا رشاوي ده غير الوسايط علشان يخلصوا بسرعة منها بس مش عارف ليه يعني
    ده علي الاقل بدل كسل البيت
    تقريبا دي العادة في المجتمع المصري
    اللي مايعجبكش ياترشيه ياتنفيه

    D:

    ردحذف
  2. و الله يا محمد اللي عاوز يستفيد ، هيستفيد من اي تجربة يخوضها !
    و الموضوع لطيف جدا فعلا ، بس الناس اللي بتخنق على نفسها !



    انا خلاص خلصت العسكرية امبارح D:

    ردحذف