الجمعة، 15 أبريل 2011

الخدمة الإلزامية العسكرية في العالم.

السلام عليكم
جه في بالي أعرف إيه وضع الخدمة العسكرية الإلزامية في العالم بما إني هقوم بتأديه الخدمة قريب .... أو ما يعرف بالتجنيد (بنستعمل في مصر المصطلح ده أو كلمة "الجيش") أو خدمة العَلم (أعتقد المصطلح ده مستخدم في سوريا وما حولها).

مدة الخدمة بتكون ما بين سنة لـ ٣ سنين بحسب الأحوال ... كتير من الناس أو أغلبهم في الحقيقة بيعتبروا إن مدة الجيش (واللي بتكون سنة واحدة بالنسبة للمؤهلات العليا) عبارة عن مضيعة للوقت وإنها سنة ضايعة من العمر الواحد! شخصيا أعتقد إن أي حد يدخل تجربة ويخرج منها زي ما خرج يبقى خروف ولا مؤاخذة! أي تجربة ومهما كان سوءها لازم الواحد يستفاد منها بحاجة .. بل يحاول يحقق أكبر قدر من الفايدة بأقل قدر من الخسارة! ... أديني هشوف بنفسي ... هستعجل ليه يعني؟ :D

طلع إن أغلب العالم تقريبا فيه خدمة عسكرية إلزامية، الصورة بتوضح وضع الخدمة الإلزامية في العالم:

سخريطة الخدمة العسكرية الإلزامية في العالم
مصدر الصورة: Wikipedia

على حسب معلوماتي إن أغلب الدول اللي لسه فيها خدمة عسكرية كان أو مازال ليها مشاكل أو في مشاكل في منطقتها.
ممكن ابقى أقرا أكتر عن موضوع الخدمة الإلزامية في العالم ... بس لما أبدأ الخدمة هكون مستريح عشان عرفت إن أغلب العالم مازال عنده الموضوع ده lol


معلومات أكتر عن الخدمة الإلزامية على ويكيبيديا: Conscription

هناك 3 تعليقات:

  1. الخدمة الإلزامية في اليمن التغت من فترة =) بسس شكلها هترجع من جديد

    ردحذف
  2. معلومة ممتازة يا زرياب :-)
    عندك أي خلفية عن سبب إلغاءها؟ أو المناقشات اللي دارت حوليها؟

    ردحذف
  3. و الله ما عنديش حاجة ممكن تفيد بالموضوع ده بس اللي اعرفه انه فيه تضخم عسكري في اليمن و هذا سبب من الاسباب اللي ادت الى الغاء الخدمة العسكرية و كمان كان الجدل بخصوص الدراسة و التعليم =)

    ردحذف