الجمعة، 15 أبريل 2011

الذاكرة الملغومة - هما بيقولوا إيه في الحالة دي؟

السلام عليكم
بمناسبة الموقف الرخم اللي حصل معايا من يومين واللي غالبا بيحصل مع الناس اللي لسه متعرف عليهم جديد أو أول مرة أقابلهم .... رسمت كاريكاتير بيوضح الحالة -_-


كتير من الأحيان الواحد بينسى الكلام ويبقى على طرف لسانه ... ودي مش مشكلة أوي لإني بحاول أقول الكلام بكلمات تانية ... المشكلة بقى لما يكون حاجة ليها رد شائع .... في حاجات كتير ليها ردود شائعة ... واحد نجح > ألف مبروك ... واحد اتجوز > عقبال البكاري (وألف مبروك برده :D) .... واحد زعلان > معلش متضايقش ... واحد عيان > ألف سلامة.
معرفش أقعد أفتكر في الرد وفي نفسي الوقت استحضر كلمات تانية تقوم نفس المقام -_-


والنتيجة بتتلخص في الكاريكاتير التالي: (اضغط على الصورة عشان تشوفها بحجمها)

كاريكاتير الذاكرة الملغومة


حاجة تشل -_-
الله لايوريكم :D

هناك 10 تعليقات:

  1. ههههههه و الله نفس المشكل
    كثيرا ما أخطئ في الرّد
    مثلا واحد يقولّي : صباح الخير ، أردّ أنا : و عليكم السلام
    واحد يقولي مساء الخير أنا أردّ صباح النّور !!
    ثم اخترعت طريقة جميلة للرد ،،، في كلّ الحالات أقول : و عليكم السلام حتى اشتهرت بهذه التحية ، كل من يقابلني في الثانوية صار يحيّيني بـ: وعليكم السلام و أردّ أنا بدوري : وعليكم السلام D:
    --------------

    كاريكاتير "جامد أوي " <<< هل هذا هو الرد المناسب :(؟
    لاحظت أنّك تستعمل كلمة "تقريبا" كثيرا :)
    تحياتي ليك يا أحمد :)

    ردحذف
  2. ده شيء جميل.. ربنا يزيد.. ربنا يبارك

    ردحذف
  3. بس واضح ان xkcd لعب في دماغنا كلنا، حلو الكوميك :)

    ردحذف
  4. xkcd عربي
    تيجي نفتح واحد :D

    ردحذف
  5. >عبد الله
    ههههههه ... طيب وعليكم السلام يا عبده D:
    أنا لدي fuse يقعط الإشارة في حالة عدم وجود الرد المناسب ... يعني يا رد صحيح يا عدم صدور رد D:

    "الكاريكاتير جامد أوي" ... تمام ده الرد الصحيح D:
    وما شاء الله عندك دقة ملاحظة ... أنا فعلا استعمل كلمة تقريبا كتير ... أنت تعرف ... لا يوجد شيء مؤكد هذه الايام :-)


    >Faissl
    جامد جدا الأسلوب بتاع xkcd ^_^


    >محمد نجم
    تصدق فكرة ^_^

    ردحذف
  6. "...مع محاولة التعبير بشكل جسدي أو بحركات الوش بما يتناسب مع الموقف..."

    كشفت حيلتنا!

    :)

    ردحذف
  7. هذه المشكلة سببها قلة الاحتكاك بالناس , الشخصية الاجتماعية نادرا ً ما تواجه مشكلة من هذا النوع

    ردحذف
  8. ههههههههههه
    دي أنا دايما ما بألقى الرد المناسب وأكتفي بصممت مطبق !!

    كاريكاتور جميييل جداا

    ردحذف
  9. كثير بتحط فى مواقف مشابهة .
    مرة واحد قالى أنا عيد ميلادى بكره ، قلتله ألف مبروك
    بتحصل كثير

    تحياتى لك :)

    ردحذف