من وأنا صغير كان في بعض الأسماء اللي محبتهاش أبداً ... معرفش ليه! بالرغم من كون كتير من الأسماء مقابلتش ناس تحملها ... مع ذلك مقدرتش أحبها يوما (يعني الكره ناحية الأسماء نفسها مش للأشخاص اللي بيحملوا الأسماء دي!)
- حمادة
(مش فاهم إزاي يكون راجل طويل عريض يكون اسمه "حمادة" سواء دلع أو حقيقي!! في ناس كتير اسمهم الحقيقي "حمادة"!)
- سيد
(كنت ديما بسأل نفسي وأنا صغير ... لما واحد يكون إسمه سيد و عاوز يقدم نفسه هيقول إيه؟ السيد سيد؟! بالتأكيد ده اسم رخم!)
- عبده
(خصوصا لما أقراه في شكل "عبدوووووه"! لكن مؤخراً عرفت بعض الناس خلوني أحس إن الاسم مش بهذا السوء)
- نواف
(مع إنه مش اسم مصري لكن معرفش ليه الاسم ده تقيل عليا!)
- سالم
- نهلة (على الأرجح إن ده أكتر اسم بكره على الإطلاق مع إني عمري ما قابلت أي نهلة قبل كدا!)
- دينا
(وغالبا "دنيا" كمان!)
- نورهان
- بسمة
- ريم
- بطة
(المفروض ان المصريين بيستخدموه كإسم دلع لـ "فاطمة" بس مش عارف ليه بحس إني عاوز أخلع راس اللي بيقوله وأحطه مكانها بطة!)
غالبا في أسماء تانية بس دول اللي فاكرهم دلوقتي!
ولاء
ردحذفأسماء
شيماء
دعاء
هناك أسماء مظلومة ! لكنها في الاول والآخر مسألة أذواق :)
ردحذفولا إسم من هذه الأسماء مستخدمة في المغرب.
ردحذفلكن فعلا: هناك من يتسمّى ب"بطة"؟
o_O
سأضيف أكثر اسم كريه عندي من أيام الطفولة ومشهور في مصر
ردحذف"إنجي" يعععععع!
كما أن هناك فتوى من كبار المشائخ بعدم التسمية بأسماء مثل "ملاك,تقوى...إلخ" لمخالفات شرعية.
ههههههههههههه
ردحذفضحكتني خصوصا في موضوع بطة داه و انك عاوز تشييل راسه و تحط مكانها بطة :D
كاب