الخميس، 11 سبتمبر 2008

عاوز اشتري لاب توب بقى :@


السلام عليكم و رحمة الله و بركاته

من حوالي اسبوع روحت مولات الكمبيوتر في شارع جامعة الدول العربية في المهندسين

اصل عقابل عندكم عاوز اشتري لاب توب D:

و نظرا لميزانيتي المحدودة جدا جدا كنت بدور على حاجات معينة و تحديدا لاب توبات الانترنت ، اللابتوبات دي بدأت تظهر و تنتشر الايام دي جدا ، و قولت اجيب واحد عشان اتحرر من القرف اللي فيه ده D:

ممكن واحد يطلع يقولي ايه هى للابتوبات الانترنت ؟ و انترنت زاي يعني D:
لاب توب عادي خالص و لكن بامكانيات قليلة نواعا ما و صغير الحجم ، و غالبا بيكون بمعالج انتل اللي اسمه اتوم ، معالج تعبان جدا جدا في الاداء - ادؤه نص اداء معالجات سيليرون ! - ، بس ليه ميزه انه موفر في استهلاك الطاقة و قليل في انتاج الحرارة .

يعني اللاب من دول ينفع في التصفح و الحاجات البسيطة و الاوفيس و كدا يعني
بس برده احسن من الوضع الحالي و حتى لو الموضوع رسى على جهاز مستعمل مفيش مشاكل ، بحيث يكون ليا جهاز مستقل اعمل اللي انا عاوزه بمزااااج - عندي اتنين اصغر مني مش بيعملوا حاجة على الجهاز غير انهم بيلعبوا لعبة متخلفة كدا من على النت من نوع MMORPG

*************

المهم ، كنت بفكر في جهازين ، الاول asus eee pc 900 - ده الافضل حاليا من وجهة نظري في اللابتوبات الرخيصة حتى المعالج بتاعه مش اتوم انما سيلرون يعين الاداء مش هيكون وحش اوي - ، و الجهاز التاني ، acer aspire one ،

روحت المول اتفرج على الجهزة و اشوف اذا كان اي من الجهازين نزلوا مصر ولا ايه النظام
سألت كذا واحد عن الجهازين دول ، محدش يعرف اصلا ان الموديلات دي نزلت ! ولا ايه هى !

قولت مفيش غير التوكيل بقى ، سألت واحد على التوكيل قالي على عنوانه بس كان بعيد عني و مش هينفع اروح الايام دي خالص

رجعت المنطقة و سألت في مول قريب من عندنا قالولي على شركة كدا ليها تعامل مباشرع مع الوكيل او شركه اسوس نفسها او حاجة زي كدا

المهم من يومين كدا ورحت اسأل على asus eee pc 900 ، و اي موديل بالظبط اللي نزل عندهم ، لقيت الجهاز اللي انا عاوزه بالظبط بالظبط - eee pc 900 في منه تلات نسخ على حسب نظام التشغيل و الهارد ديسك - لقيت النسخة اللي معاها لينوكس و هارد 20 جيجا

المهم لقيته بكام بقى ؟ بـ 2700 ! ، يعني تقريبا زيادة في التمن بمقدار الربع !

مش عارف بقى لسه نازل جديد ولا متعودين اي حاجة صغيرة تبقى تمنها غالي ولا ايه بالظبط !

ممكن يكون 2700 مش كتير بالنسبة لاجهزة اللابتوب و لكن بالنسبة للجهاز ده تحديدا و لسعره الاساسي يعتبر في زيادة ملحوظة في السعر

***********

على العموم ان شاء الله هنزل كارفور انهارده و اشوف ايه النظام ، واحد صاحبي بيقول شاف جهاز acer aspire one هناك

بس شكلي كدا هستنى شهرين كمان تكون الدراسة بدأت و الاسعار بتقل بشكل كويس :)

هناك 10 تعليقات:

  1. ممكن يا أحمد تدور علي لاب توبات من نوع Fujitsu Siemens , انا بستخدم Amilo Pro V 2065 شغال معايا ما شاء الله بقاله سنتين وكويس وسعره بيبقي معقول في مصر
    جرب اسئل كذا واحد وتجربتهم مع اجهزتهم
    وبالتوفيق يا بااشا

    ردحذف
  2. acer one hena fe amerca be 350 dolar

    al ghaz 3agbny we keda we tal3 fe dem'3y

    bas feh wa7ed tany 3agnny akter 3lshan ana bastkhdem 7agat dayman te2la shwya

    http://www.bestbuy.com/site/olspage.jsp?skuId=8897642&type=product&id=1212192350309

    da dakhel dem'3y fa7at

    aboya ashtra wa7ed
    ebn 3amy at'3az gab wa7ed howa kman :D

    ana asht'3lat 3leeh al ada2 bet3o 3aly gedan

    we al se3r a3tked kowyes


    950 $

    ردحذف
  3. '3ayer 3lshan kahter omy al blog bet3ak le wordpress

    sahl ten2el bdon ma tekhser ay 7aga

    ردحذف
  4. Mutati0N : ايوه الـ Fujitsu حلو بس انا ميزانيتي اللي مش حلوة D:
    في كذا حاجة كويسة بس المشكلة اني محدود بميزانية معينة :(
    بس ربنا يسهل و يوعدني بجهاز حلو D:

    ***********
    Dj.rA!DeN : ايه يا عم الجهاز اللي بتتكلم عليه ده D:
    دا بتمن تلاتة من ايسر ون D:
    بلاش الحاجات دي الله يكرمك ههههههههههه

    انا شكلي هشتري اسير ون من امازون و ابعته على عنوانك و انت تشحنهولي بقى ، اصل لسه منزلش مصر D:

    بالنسبة للبلوج ، عارف ان ينفع انقلها ، بس اللمتيشن بتاع الورد برس المجاني خنيق

    ردحذف
  5. بالمناسبة انا روحت كارفور امبارح
    مكنش موجود عندهم غير eee pc 700

    الشاشة بتاعته 7 بوصة !
    يعني موبيل كبر شوية D:

    و سألت واحد تبع ايسر قال ان اسيبر ون هينزل على بداية الدراسة ، يعني تقريبا بعد شهر او تلات اسابيع !

    مش مشكلة انا مش مستعجل D:

    ردحذف
  6. هوا المساحه بتاعت البلوج سبوت كام؟
    لان الورد بريس 3 جيجا الفري

    ردحذف
  7. acer one

    bas al software beta3o '3aby showya

    gebo we nazl 3leeh ubuntu aw slackware :D

    ردحذف
  8. Mutati0N : مش عارف المساحة كام بالظبط ، بس الورد برس مثلا فيه شوية حاجات رخمة زي عدم امكانية تعديل القالب ؟ مجانا ؟ ، و دي من الحاجات المهمة يعني - اعتقد لو عملت ملف الـ css بتاع القالب في لينك خارجي تتحل المشكلة دي ؟ -

    على العموم مش هتفرق كتير يعني بلوج سبوت بسيط و سهل :)

    Dj.rA!DeN : انا شكلي كدا هجيب eee pc 900 اللي بهارد 16 جيجا
    و سواء ده او ايسر ون هشيل التوزيعة اللي عليهم و اركب اوبنتو D:

    صحيح متعرفش مصاريف الشحن من امريكا لمصر يجلها بكام ؟

    ردحذف
  9. a7san 7aga shof low kan fe yenfa3 sha7n bary xD

    ردحذف
  10. ghalya fa7t

    anta 3lshan ten2el 7aga 7tdfa3 mmken 30 % mmken :D

    ردحذف