الثلاثاء، 27 أكتوبر 2009

قناة وثائقية ممتازة .


السلام عليكم و رحمة الله و بركاته



لما كنت في المصيف المرة الاخيرة ، كنت بحول بين القنوات و لاحظت قناة اسمها "ناشونال جيوجرافيك أبوظبي" ، قعدت اتفرج عليها شوية ، و بعد اول 10 دقايق تقريباً ، قولت "هي دي" D:

قولت اخيراً لقيت القناة اللي تسد مع الجزيرة الوثائقية ، و لاني كنت عارف شوية عن مؤسسة "ناشونال جيوجرافيك" فتوقعت قناة ذات محتوى ممتاز و كان فعلاً ، قناة ناشونال جيوجرافيك أبو ظبي هى قناة بتقدم محتوى وثائقي معرب بدعم من المؤسسة الاساسية و هى National Geographic .

القناة بتقدم افلام وثائقية ممتازة جداً و مثيرة للاهتمام ، و بالنسبة ليا بقت من اكتر تلات قنوات بتفرج عليهم على التلفزيون ، القناة بتقدم محتوى متنوع ، و لكن بيتركز بشكل اساسي في العلوم و التكنولوجيا ، بشكل عام كل الافلام ممتازة بس اكتر تلاتة عجبوني جداً "ميكانيكو الكوكب" ، "أيام عصيبة على كوكب الأرض" و "لم أكن أعلم" .

ميكانيكو الكوكب : برنامج بيتكلم عن اتنين مهندسين بيحاولوا يحلوا مشكلة التلوث ، فبيروحوا مناطق معينة و يغيروا في الاجهزة اللي بتعمل تلوث ، برنامج ممتاز جداً بصراحة ، و اكتر واحد عاجبني .
أيام عصيبة على كوكب الأرض : زي ما هو باين من اسمه البرنامج بيتكلم عن البيئة و عن المشاكل اللي بيعملها الانسان و بيأثر بيها على الكوكب من تلوث و تأثير على مخزون المياة و الموارد الطبيعية و حاجات تانية كتير .
لم أكن أعلم : برنامج بيوضح بعض المعلومات عن حاجات متنوعة في الحياة اليومية ، برنامج ظريف جداً برده .


زي ما قولت - دي المرة الكام اقول فيها كدا ؟ D: - البرامج كويسه جداً ، بس زي اغلب القنوات العربية اللي بتقدم محتوى اجنبي ، المواد اللي بتتعرض بتكون قليلة شوية و قديمة نوعاً ما يعني تقريبا من ٢٠٠٥ ، بس برده ما زالت ممتعة و حاجات كتير مش هيفرق فيها الموضوع ده لانها غير مرتبطة بوقت معين .

الملاحظة التانية ، ان في بعض البرامج مدبلجة باللهجة اللبنانية ! يمكن بالنسبة ليا معنديش مشكلة في التعامل مع اللهجات و حتى بعض اللهجات اللي ناس بتحس انها صعبة زي بعض اللهجات الجزائرية و المغربية ، انما بصراح مش عارف ايه الفايدة من الدوبلاج اللبناني ؟ لا هي قناة لبنانية ولا هى قناة اعلانية يبقى ايه الفكرة في اللبناني ؟ مش عارف !
بس على الاقل هتحس ببعض اللي بيشعر بيه الاخوة في الجزائر و المغرب و ما حولهم لما بيسمعوا اللهجات الشرقية ! (المصرية ، الخليجية ، الشامية ...) و كأنه فرض عليهم يتعلموا اللهجات دي !
و إذا كنت متضايق زيي من الموضوع ده متنساش تبعت رسالة للموقع توضح فيها انك مش عاجبك النظام ده : )


اذا حبيت تتفرج على القناة ، هتلاقيها على التردد ده :

نيل سات N102
التردد : 12.226
الاستقطاب : أفقي
الترميز : 27500
التصويب : 3/4

عرب سات بدر 6
التردد : 11804
الاستقطاب : أفقي
الترميز : 27500
التصويب : 3/4

موقع القناة : www.natgeotv.ae
و إذا كنت بتتفرج على القناة من فترة ، ساهم في تحسين القناة من هنا
http://www.natgeotv.ae/Survey/Default.aspx


و طبعاً لو حد عاوز الصورة في اول الموضوع ، مفيش مانع انه ياخدها و يحطها في موقعه او في المنتديات : )

هناك 6 تعليقات:

  1. في الصيف لقيت أخويا مطلعهالي مش عارفه منين

    قناة فوق الوصف ^_^

    أنا كمان عاجبني برنامج لحظات قبل الكارثة

    بس بيغيظني فعلا البرامج المدبلجة باللبناني <_<

    ردحذف
  2. لحظات قبل الكارثة كنت اتفرج على حلقاتها على الجزيرة الوثائقية D:

    و فعلا كنت عاوز اكتب عن موضوع الدوبلاج اللي باللبناني ده ، بس نسيت ، هبقى ارجع اعدل الموضوع مرة تانية : )

    ردحذف
  3. القناة جميله جدا ً ،، وخصوصا ً انها تابعه لـ NG ،، لكن المشكلة بالدبلجه السقيمه !! كنت اتمنى تكون مترجمة او تكون مدبلجة بالفصحى كما تعودنا على البرامج الوثائقيه .

    ردحذف
  4. > snix :
    على الاقل دلوقتي عارفين شعور اخواننا في دول المغرب العربي (تونس ، الجزائر ، المغرب ، موريتانيا) D:

    منور المدونة يا حج سامي ، ابقى عدي من وقت للتاني كدا ^_^

    ردحذف
  5. المواجهة الحتمية... من أجمل ما أشاهده، لكن ما يعاب على القناة إعادة العديد من الأشرطة خصوصا الشريط الذي يقارن بين الدب والتمساح

    ردحذف
  6. القناة جيدة ولم تعجني فيها الدبلجة اللبنانية ...ولكن يبدو أنها لو ترجمت للفصحى لم تؤدي ما يجب ربما لعدم التمكن الجيد من الفصحى ألم تشاهدوا مسلسلات مكسيكية من قبل "مقرفة" فصحتها رغم أنني مؤيد بشدة للفصحى ... على كل أهل المغرب العربي لا يجدون مشكلة في الدبلجة D: يفهموا حتى لهجة جزر القمر ههه... لأمور عدة ليس هذا مجال سردها

    ردحذف