الثلاثاء، 10 نوفمبر 2009

يخرب بيت الكورة :@

يخرب بيت القرف بتاع الكورة ده !
كمية كراهية و قرف و تعصب منتشرة اليومين دول تخلي الواحد يتشل !

انا مش عارف ليه كل ده اساسا !! كل ده على ماتش ! ولا حتى كل ده عشان الكورة !!


اساسا معروف ان كتير من متابعي و مشجعي و حتى مسئولي الكورة متعصبين مش بس في مصر ولا في الجزائر دا في العالم كله !

انا فعلا بشكر والدي من كل قلبي انه مكنش بيتابع القرف ده اللي اسمه متابعة و تشجيع الماتشات

مش فاهم يعني ، لو شوية مصريين كدا انضربوا في دماغهم و طلعوا على الفضائيات مش الجرايد المحلية حتى ، و قعدوا يشتموا في اي دولة ، هل هنلاقي الدولة دي تاني يوم باعته قوات عسكرية عشان تضرب مصر ؟ و تبقى مصر دي العدو الاول ليهم ؟
نفس الوضع ، مش معقول عشان مجموعة من الجزائريين عاملين مواضيع عن مصر و مهما كان سوء الحاجات اللي عملوها دي خلاص بقى يبقى نكره الجزائر و الجزائريين !! (و اللي عمله بعض الجزائريين مش كويس يعني ، دا منيل بستين نيله) بس اللي عمل كدا كام شخص يعني ؟ ميه ؟ الف ؟ مليون ؟ اتنين او حتى تلاته مليون ؟ الجزائر حوالي 35 مليون !! مش معقول هكره كل الشعب عشان مجموعة مجانين ! المحترم محترم و المتعصب متعصب !!



حاجة تقرف بجد !
عشان نشوف الوكسة الحقيقية يا ريت تقروا الموضوع ده من على مدونة موسوعة المعرفة
الحرب المصرية الجزائرية

مشجعين و صحافة تعبانين !!



اخيراً ، بقول لكل جزائري محترم ، انا فعلاً بقدرك بغض النظر اي حاجة تانية (و بغض النظر اذا كنت هتعرف تقرا لهجتي العامية الركيكة دي ولا ﻷ D:)

:: أُخَيَّ في الجزائر تحيتي إليك ، و هلت البشائر بنور مقلتيك ::

هناك 9 تعليقات:

  1. إنما يقوم بتلك التفاهات من الجانبين شرذمة قليلون من حثالة كل شعب

    لكن للأسف من هؤلاء الشرذمة من يملك مقعدا محترما في الإعلام فيصبح صوته مدويا مسموعا تنساق لها القطعان الأخرى

    ألا يعلم هؤلاء أنه مهما كانت نتيجة اللقاء فهناك حتما فريق مسلم سيتأهل إلى نهائيات كأس العالم ... ألا يكفيهم هذا؟

    تحية إجلال و احترام إلى كل أولي الألباب من المصريين و الجزائريين الساعين إلى نبذ الاختلاف و الكراهية بين الشعبين

    ردحذف
  2. بجد حسبنا الله ونعم الوكيل !!!!!!!

    ومش حقول غيرها !!

    ردحذف
  3. هتسمعوا قريب في الاخبار عن اللي بيحصل عندك اماكن بيع تذاكر الماتش ! نس بتتخانق مع بعض و ناس بيغمى عليها و حاجة تقرف يعني <_<

    ردحذف
  4. ألف علامة استفهام فوق راسي
    هؤلاء الناس لايريدون أن يفهموا ولا حتى أن عقولهم قابلة للفهم
    أكره كرة القدم وأكره من يتعصب لها والعلاقة ستتطور وساكره كل من يحبها
    ومن يلعبها.
    أكره من يتحدث عنها , بغيضة هذه الكرة بغيضة
    معاك يالخضرة ديري حالة تعليقي على هذا الشعار: الخضرة معناها المال الدراهم , اللاعبين يجنون الاموال والشعبين يتقاتلان.
    أسأل الله أن يخرب جميع ملاعب الجزائر يارب, اللهم لاتترك ملعبا قائما.
    بالفعل كم أبغضكم ياأنصار الكرة.
    تحية ليك ياأحمد ومن وقت صارت الهوشة ديك جيت في بالي وعرفت بلي راح تقول حاجة....
    بيض الله وجهك ياقمر :D

    ردحذف
  5. > Alpha_Hunter :
    المشكلة الحقيقية يا عصام مش في الكورة ، لو كرهنا الكورة يبقى ظلمناها ، المشكلة فعلا في عقول البشر اللي بيحولوا الكورة الى شيء مقدس و تشجيع الفرق إلى معتقدات !!

    ربنا يكرمك يا عصام على مشاركتك و يا رب الناس تدجتمع في حاجة اكتر إفادة من القرف ده : )

    ردحذف
  6. السلام عليكم ..

    الصراحة يا أحمد، لا تعليق ولا أعلم ماذاأقول، الوضع خرج عن السيطرة بكل الأبعاد .. نحن في الجزائر نتابع أخبار فريقنا على الفضائيات والجرائد فإذا بهم يهانون ويضربون وكأنهمجاؤو لإحتلال مصر وليس للعب كرة قدم ..
    الوضع مؤلم صراحة، وخاصة وأن الإعلام المصري يقو بأن هذه مسرحية جزائرية !

    وما حدث بعد المباراة كان أعظم، ويوجد من يتحدث عن سقوط ضحايا يا أحمد !!
    الأمر غريب جدا، ألا ترى ذلك يا أحمد؟

    نحن ضد كل هذه التصرفات الغير أخلاقية والغير مسؤولة يا أحمد، تصرفات لا تخدم أحدا من الشعبين الشقيقين، ولا أعرف من يقف وراء هذه الأمور ولا ما هو هدفه !

    أمرنا لله يا أحمد، وأرجو أن لا يتطور لأكبر من هذا ..

    حسبي الله ونعم الوكيل

    ردحذف
  7. > kaf-laarous :
    ما فعلته بعض الصحف الجزائرية ليس جميل ابدا ، تحريف في القرآن و تمثيل بشخوص لاعبين مصريين و كلمات بذيئة ! و اذا اردت سماع عكس ما ينشر عندكم شاهد الفضائيات المصرية : )

    الغباء و التعصب لا بلد له يا ياسر : )
    ستجد هنا متعصبين و ستجد عندكم متعصبين ، لكن المشكلة ان كثير من الناس ينظر للموضوع بشكل قومي ! و كأنهم يطبقون الحديث بمعناه الحرفي "انصر اخاك ظالما او مظلوما" >>> انصر ابن بلدك ظالما او مظلوما !

    لا نحتاج لمحرض خارجي ، الصحافة و الفضائيات في البلدين قاموا بالواجب و زيادة !


    بالمناسبة قرأت في شريط اخبار bbc ان السفير الجزائري في مصر نفى اي اصابات خطيرة ولا يوجد غير ثمانية اشخاص (تقريبا) اصيبوا اصابات طفيفة

    ده من لطف ربنا بينا ، لان بعد كمية الكراهية و الحقد و الجمهور المشحون من الطرفين ، كنت اتوقع حدوث اسوأ من هذا ، لكن ربنا ستر : )

    ردحذف
  8. فعلا أنت أنسان راقي , ويكفي انك لاتشجع لعبة الاغبياء (كرة القدم) .
    حقا اللينكساوية ناس من الآخر (:

    ردحذف
  9. > nezar :
    شكرا على كلامك الجميل ، متابعة الكرة وجع بطن فعلا .

    ردحذف