الأربعاء، 5 مايو 2010

الاحتفال بإطلاق Ubuntu 10.04 في جامعة القاهرة.


السلام عليكم و رحمة الله و بركاته

بمناسبة إصدار النسخة الجديدة من اوبنتو (١٠.٠٤)، هيكون ان شاء الله يوم السبت الجاي (٨\٥\٢٠١٠) احتفالية في كلية الهندسة و هيكون في فعاليات في كذا مجال، و حتى لو انت مش من الجامعة هتقدر تدخل ان شاء الله : )


و كمان في الاسكندرية هيكون في احتفالية ^_^


يعني سواء كنت في القاهرة أو الأسكندرية أو ما حولهما هتقدر تيجي ^_^



-------------------



ينظم فريق أبونتو المصري Ubuntu-eg إحتفالية بصدور الإصدار الجديد "Ubuntu 10.04 - Lucid Lynx" يوم السبت ٨\٥\٢٠١٠ بداية من الساعة العاشرة صباحا، و ذلك بكلية الهندسة - مبنى قسم عمارة - الدور الثالث.

و سيتم ذلك من خلال إعطاء مجموعة من المحاضرات بالإضافة لمساعدة المستخدمين الجدد لتنصيب أحدث إصدارات أبونتو. و المحاضرات ستكون كالتالي:

* التراخيص و الثقافة الحرة - محمد جمال.
* كيفية تنصيب أبونتو - محمد سعودي.

* التطوير لسطح المكتب بإستخدام Qt - احمد طولون.
* التطوير لسطح المكتب بإستخدام GTK - محمد حبيب.
* نظام إدارة المحتوى "دروبال" - عبدالرحمن غريب.
* نظام إدارة المحتوى "جملة" - جوناثان.
* البرامج البديلة - محمود محمد.
* التصميم باستخدام انكسكيب - أنس عماد.
* التصميم الثلاثي الأبعاد باستخدام بلندر - إسلام الوزيري.


الجلسات ستكون على التوازي و بالتالي سيتم إعادتها اكتر من مرة في اليوم، و تستطيع حضور أي جلسة ندون تفويت الأخرى ; )


لتأكيد الحضور زروا صفحة الفاعلية على الفيس بوك






ها، مين جاي ؟ ^_^

هناك 5 تعليقات:

  1. السلام عليكم ورحمة الله وبركاته
    كنت الآن اقوم بقراءة كتابك دليل البرامج الحرة و قمت بزيارة مدونتك فوجد هذه التدوينة

    مرحبا بك في كليتنا هندسة القاهرة

    وانا اخذت قرار بازالة ويندز كليا و استخدام لينكس فقط ان شاء الله

    لو حضرتك موجود غدا ان شاء الله يا ريت تظبتني :)

    و جزاكم الله خيرا

    ردحذف
  2. و عليكم السلام و رحمة الله و بركاته

    جيت ولا ايه؟ كنت مستنيك : )

    ردحذف
  3. السلام عليكم

    كيفيك يا باشمهندس

    حضرتك طلعت مشترك كمان في eg123.com

    ايو جيت .. و شيلت الويندوز و صطبت الاوبنتو

    و قرأت كتابك visual box

    كنت عاوز اسأل حضرتك في حاجات


    اني محتاج اصطب ويندز اكس بي علي الالة الافتراضية عشان اشغل ماتلاب .. اعطي الهارد الافتراضي مساحة اد ايه - علما با مساحة البارتشن الحقيقي 50 جيجا - و اعطيه رامات اد ايه - علما بان الرامات الحقيقية 1.5 جيجا - عشان حضرتك عارف ان الماتلاب تقيل


    وبالنسبة للتعريفات هو بيستمدها من النظام مستضيف ولا لازم اعرفها ؟؟

    و جزاكم الله خيرا

    ردحذف
  4. و عليكم السلام و رحمة الله و بركاته

    خسارة مشوفتكش هناك : (

    و بالنسبة للمنتديات، هتلاقيني مشترك في منتديات كتير D: بس مش كلهم بتابعهم باستمرار.


    بالنسبة للجهاز الافتراضي، بصراحة مش عارف المات لاب بيحتاج مساحة قد ايه عشان يتسطب، اعتقد ٧ جيجا للهارد الافتراضي هتكون كويسه جدا و لو في مساحة فاضية خليها ١٠ و غالبا مش هتحتاج تزودها تاني.
    و بالمناسبة في نسخة من الماتلاب خاصة باللينوكس ; )

    الرامات اعتقد الافضل تخليها ٨٠٠ ميجا للجهاز الافتراضي.

    التعريفات مش هتحتاج تعرف حاجة، سطب الاضافة بتاعت برنامج vbox على الوندوز و هي هتقوم بكل حاجة : )



    معلش مش هعرف اتابع معاك الفترة دي، لاني منقطع عن الانترنت و الكمبيوتر عشان المذاكرة - المفروض بحاول اذاكر D: -

    دعواتك بقى : )

    ردحذف