الأربعاء، 20 أكتوبر 2010

التفكير بعيدا عن الآلات

لما الواحد يحب يخطط أو يفكر بنقاء، لازم يبعد عن كل أسباب التشويش، بالنسبة ليا الأجهزة الحديثة وخصوصا الكمبيوتر بحس إني لما ببعد عنها بفكر بشكل أفضل، ده بالنسبة للتفكير للحاجات العامة، لكن مثلا أي حاجة بواجهها على الكمبيوتر بطبيعة الحال عقلي بيكون في افضل حالاته لما أكون على الكمبيوتر http://lh4.googleusercontent.com/_tb7UW2nr6KA/TWloUt_MpdI/AAAAAAAAAUE/dxcOzdg44bY/biggrineb.gif

ونظرا لإن في بعض الحاجات المهمة اللي هعملها الفترة الجاية -إن شاء الله- أولهم إطلاق الإصدار التاني لكتاب "الدليل العملي في استخدام أوبنتو" واللي إن شاء الله عندي ليه بعض الخطط جيدة، هاخد النوتبوك (الورق مش الجهاز!) وأروح اقعد في مكان هادي (كورنيش النيل، أو حديقة مكتبة مبارك العامة، وغالبا الكورنيش اللي عند المكتبة عشان لما ازهق أدخل المكتبة شوية http://lh4.googleusercontent.com/_tb7UW2nr6KA/TWloUt_MpdI/AAAAAAAAAUE/dxcOzdg44bY/biggrineb.gif)
اليومين دول في موجة حارة شوية، لكن مش مشكلة المكان ضل، الحر مش مهم، المهم ميجيش ناس تعمل دوشة جنبي!

ربنا ييسر والأمور تتم بشكل مثالي : )

هناك 5 تعليقات:

  1. طب ما تروح حته بالليل ؟

    لسه راجع من حديقه الأزهر ، رائعه للى عايز يقعد لوحده يفكر

    ردحذف
  2. ممتاز :) ربنا يوفقك

    ردحذف
  3. >Metamorphosis:
    يا ريت يا محمود، بس كل الحتت اللي ينفع فيها بليل زي حديقة الأزهر بتبقى بعيدة نوعا ما.
    مش عاوز أقضي نص اليوم في المواصلات يعني D:
    ـ

    >Maha:
    آمين : )

    ردحذف
  4. أهم حاجة الكتاب يظهر للنور قريب إن شاء الله :)
    ربنا يوفقك يارب !

    ردحذف
  5. بحاول أعمل أفضل ما عندي، يا مسهل ^_^

    ردحذف