الجمعة، 9 مارس 2012

بوصلة نموذج الأعمال / المشاريع

من فترة كبيرة شوفت موقع Business Model Generation واللي ليه كتاب بنفس الاسم، الكتاب بيتكلم عن نماذج الأعمال وإدارتها، إزاي تبدأ مشروع وتختار نموذج العمل وتحدد خطة العمل الخاصة بمشروعك.

من ضمن فصول الكتاب جزء بيشرح أسلوب تحديد خطة عمل مشروعك ونموذجك التجاري بالاعتماد على ورقة واحدة فيها كل حاجة عن مشروعك مقسمة بطريقة بتساعدك على ادارة والتعامل مع كل جزء من أجزاء المشروع.

بالرغم من إن الفصل المتاح للتحميل على موقع الكتاب معجبنيش وحسيت إنه بيتكلم في بديهيات! لكن أعتقد إن استعمال أسلوبه في التخطيط ممكن يكون مفيد.

ومن فترة برده قام الأستاذ مازن الضراب بجهد ممتاز وترجم بوصلة إدارة المشروع/نموذج الأعمال بس للأسف نفس الحفرة اللي بيقع فيها كتير من الناس اللي بترجم مواد بصرية، إنها بترجم النص بس ومش بتاخد في الاعتبار اتجاه الصورة أو الرسمة، وبالتالي العمل النهائي بيكون مربك ومش مناسب للمستخدم العربي اللي بيقرأ من اليمين للشمال مش بس الكلام إنما تسلسل النص والصور وأي عناصر تانية.

المهم، عدلت النسخة بتاعت مازن وصلحت مشكلة اتجاه النص وبالتالي بقت مناسبة للمستخدم العربي بشكل مثالي.
طبعاً شكر كبير لمازن على مجهوده وفكر البرمجيات الحرة اللي من غيرها مكنش هينفع نعدل على العمل الأصلي -بشكل قانوني- إلا إذا كان مرخص برخصة حرة (CC BY-SA 3.0).

صورة للبوصلة:

حملها بجودة عالية بصيغة PDF ـ: Business Model Canvas Arabic - PDF
الملف المصدري بصيغة SVG ـ: Business Model Canvas Arabic - SVG

كمان هنا نبذة من ويكيبيديا عن الأسلوب المستخدم في بوصلة أعتقد قراءته هتكون مفيدة خصوصاً جزء الانتقادات الموجهة للأسلوب ده: Business Model Canvas - Wikipedia

أخيراً، من التجربة العملية (على الأقل بنسبة ليا) لقيت إن مش من المناسب الكتابة مباشرةً في البوصلة إنما الأفضل الكتابة في ورق خارجي وبعد كدا فصل كل جزء بما يناسبه في البوصلة.

أتمنى أشوف مشاريع عربية قوية في أقرب وقت .... استمتعوا : )

تحديث: صحيح، نسيت أقول، بعض الأصدقاء طبعوها على بانر بحجم الحيطة D:

هناك 7 تعليقات:

  1. موضوع رائع وأنا كنت أدور عليها بالإنجليزي لكن ما وفرته لنا أحسن

    ردحذف
  2. لمن يريد موقع إليكترونى لبناء البوصلة بشكل تفاعلى و تعاونى مع أعضاء الفريق , و يدعم اللغة العربية (بشكل كامل - التصميم من اليمين لليسار)

    http://lienzo.biz/?locale=ar

    ردحذف
  3. جزاك الله خير

    ردحذف
  4. مشكور جدا علي هذا النموذج و خاصة انة بالعربي

    ردحذف
  5. أزال أحد مشرفي المدونة هذا التعليق.

    ردحذف
  6. السلام عليكم
    شكرا لك
    الرابط لا يعمل ممكن رابط بديل للتحميل بدقة عالية وحجم كبير؟

    شكرا

    ردحذف
  7. what the fuck is going on

    ردحذف