السبت، 22 سبتمبر 2012

خطوط عربية حرة مفتوحة المصدر


من فترة كتبت على فيس بوك بعض أسماء الخطوط العربية القابلة للاعتماد عليها فعلاً واستخدامها في بيئات انتاجية. ونظراً لإن الفيس بوك زي أغلب الشبكات الاجتماعية اللي موجودة حالياً لا يمكن الاعتماد عليه في جزئية المحتوى، لإن الحسابات ممكن تتقفل في أي لحظة!

المهم، دي الخطوط الحرة مفتوحة المصدر اللي بستعملها بشكل مستمر:


ممكن نقسم الخطوط لنوعين، الأول خطوط كلاسيكية (نسخ، رقعة، فارسي ... إلخ) وخطوط حديثة (بشكل أساسي مش بتتبع أي مدرسة من مدارس الخطوط الستة الأساسية).

خطوط كلاسيكية:

Amiri Font / KacstOne 5.0 / Scheherazade / Lateef / Droid Arabic Naskh / Nafees (Naskh/Nastaleeq/Riqa) / Farsi Fonts 0.4 /
UthmanTN1 v0.10 (مش حر لكن مجاني)


خطوط حديثة:

Ubuntu Arabic Font (خطي المفضل، بس غالباً مش هتلاقي لينك تحميل ليه لإنه لسه بيتا، هبقى أجيب لينك ليه بعد كدا)
Droid Arabic Kufi (Arabic)
KufyanArabic (مش حر لكن مجاني).



طبعاً مفيش مشكلة بالنسبة للخطوط الإنجليزية مفتوحة المصدر، أو حتى المجانية لإنها بالمئات!
لكن من الخطوط الإنجليزية الحرة المفضلة عندي هو خط Droid Serif

إذا كنت تعرف خط حر مفتوح المصدر سواء عربي او إنجليزي قولي عليه :-)

هناك 6 تعليقات:

  1. شكرا على الموضوع المفيد.

    بس مش تحطلنا روابط لتنزيل الخطوط دي بالمرة!

    ردحذف
  2. لو مدورتش عليهم يبقى إنت مش محتاجهم D:

    ردحذف
  3. لأ في الحقيقة معظمهم عندي .. لكن أنا عايز واحد بس ومش لاقيه خالص على النت.

    عايز خط أوبونتو (Ubuntu Arabic Font) ودورت عليه كثير ومعرفتش أجيبه.

    فياليت لو عندك ترفعه.

    وشكرا.

    ردحذف
  4. وغالباً مش هتلاقيه :-)
    عشان لسه بيتا ومش مسموح بنشره على النت.

    وبما إنك مش داخل بأكاونت فمش هعرف أبعتلهولك.

    ردحذف
  5. ممكن اعرف منك انهو افضل خط لاستخدامه في طباعة كتاب

    ردحذف
  6. أبو زيد
    ممكن تخبرني باسم الخط الذي تستخدمه في موقع ؟
    الخط رائع جدا وسهل القراءة

    أخوك حسين نور
    hosainnoor@gmail.com

    ردحذف