الأحد، 24 فبراير، 2013

فريق كاتيوس للغواصات الآلية.

بقالي كتير مكتبتش! مش دي المشكلة على أد إني عاوز أكتب عن بعض الموضوعات (وللأسف أنا المرة دي اتأخرت أكتر من اللازم).

المهم،
في نوفمبر من السنة اللي فاتت (٢٠١٢)، أحد الأصدقاء على تويتر عملي منشن بخصوص فريق طلابي من جامعة المنصورة بيحضروا عرض Proposal لرعاية فريقهم.

وكالعادة، نفس القصة المتكررة كل مرة عندنا في مصر، عقول رائعة ونشاط مميز لكن ديماً عنق الزجاجة في الموارد! يعني تلاقي مكونات المشاريع الفرق من الدول التانية حوالي عشر أضعاف (وأكتر كمان) من سعر المكونات اللي الفرق المصرية بتستعملها!

في الحقيقة أنا شخصياً مش من أنصار فكرة إننا عندنا في مصر عقول قوية ومش عارف إيه بس المشكلة ديماً في الموارد! الذكاء مش إنك تعمل إنجاز كبير وكل الظروف معاك، الذكاء إنك تقدر تعمل إنجاز وكل الظروف ضدك! إنك تقدر تحقق حاجة والظروف كلها مش مناسبة مش العكس.

فريق كاتيوس (Caetus يعني سمكة قرش باللغة اللاتينية)، عبارة عن مجموعة من طلاب/خريجي هندسة المنصورة كونوا فريق للغواصات الآلية المتحكم فيها عن بعد (ROV - Remotely Operated Vehicle) وحققوا المركز الأول في مسابقة الغواصات الآلية في مصر سنة ٢٠١٢، وبالتالي تأهلوا لمسابقة الغواصات الآلية على مستوى العالم وحققوا المركز الـ ١٦.

هما حالياً بيحضروا لخوض مسابقة سنة ٢٠١٣ في مصر، وللوصول لمركز أفضل على مستوى العالم، وده مش هيتحقق إلا من خلال تمويل مناسب بحيث يقدروا ينافسوا الفرق من الدول التانية.

كنت عملت تصميم البروبوزال (وكالعادة ببرمجيات حرة مفتوحة المصدر، أوبنتو، ليبر أوفيس، إنكسكيب، جيمب)، العرض عبارة عن ٩ صفحات فيهم كل المعلومات عن الفريق، زي أعضاء الفريق، أهدافهم، إنجازاتهم، والمقالات والأخبار المكتوبة عنهم في الإعلام.


لتحميل ومشاهدة الملف: Caetus Team Proposal For ROV 2013 - PDF.

الشيء الجميل إني سمعت مؤخراً إنهم تواصلوا مع عدد من الرعاة :-)
إذا كنت تعرف حد مهتم أو ممكن يكون راعي للفريق متترددش في التواصل مع الفريق بالخصوص ده (البيانات في البروبوزال).

أتمنى ليهم كل خير ويحققوا مركز متقدم في المسابقات القادمة : )

هناك 6 تعليقات:

  1. تحياتي للمهندس احمد ابوزيد
    انا من عشاق نظام اوبنتو و لكن كمستخدم عادي و ليس كخبير في التقنية او الكمبيوتر. و السبب في عشقي لاوبنتو يرجع الى الله و من بعده الى كتابك "اوبنتو ببساطة". وانا على احر من الجمر في انتظار نسخة جديدة من الكتاب و مستعد لان اشتري عدة نسخ مطبوعة منه اولا لتوزيعها كهدايا للمساهمة في نشر التوعية عن النظام و ثانيا لدعم البرمجيات الحرة. فمتى سنرى النسخة الجديدة من الكتاب و اللتي اقترح ان تكون عن نسخة 12.04 لانها LTE و بالتالي لاتحتاج لكتابة نسخة جديدة من الكتاب لمدة 5 سنوات

    ابو محمد

    ردحذف
  2. موضوع رائع أبدعت لكن استخدام برنامج أوبنتو يبقى محدود جدا

    ردحذف
  3. حقسقة أكثر من متميز ... شكرا

    ردحذف
  4. http://daewoo-maintenance.alwseet.net |  
    http://daewoo.xn----zmcg3av0fval8a.com |  
    https://ar-ar.facebook.com/Daewoo.Maintenance.Egypt |  
    http://xn-----btdbabjn5b3cvkcr8cfbeb.com/zanussi/150 |  
    http://whitepointeg.com/%D8%B5%D9%8A%D8%A7%D9%86%D8%A9-%D8%AF%D8%A7%D9%8A%D9%88 |  
    http://www.syantaydyalzanwsy.com/%d8%b5%d9%8a%d8%a7%d9%86%d8%a9-%d8%af%d8%a7%d9%8a%d9%88-daewoo |  
    http://daewoo.services |

    ردحذف
  5. http://m-insecticidal.com/
    أو على صفحة تواصلنا
    https://www.facebook.com/ebada.elmoslimany
    او عبر قناتنا على اليوتيوب
    https://www.youtube.com/watch?v=vTj7HiWpnCw
    https://www.youtube.com/watch?v=si-R1G4yS3A

    ردحذف
  6. http://www.seyanaservice.com/admiral
    وللتواصل معنا على صفحة الفيس :
    https://www.facebook.com/118083938680479/
    وللتواصل معنا على اليوتيوب :
    https://www.youtube.com/watch?v=nDRNzK_2eHQ

    ردحذف